iPhone X ​ពុំ​មែន​ជា​ទូរស័ព្ទ​ iPhone ដែល​មាន​ស្ថានភាព​លក់​ល្អ​បំផុត​របស់ Apple ​នៅ​ប៉ុន្មាន​ឆ្នាំ​ចុងក្រោយ​នេះ​ឡើយ។ តាមពិត​វា​មិន​ដូច​នឹង​ការ​ព្យាករណ៍​ដែល​លើកឡើង​ថា Apple ​កំពុង​លក់ iPhone X ដាច់​សម្បើម​ទេ។ ខណៈ​ដែល​បរិមាណ ២០-៣០លាន​គ្រឿង ត្រូវ​គេ​ប៉ាន់ប្រមាណ​ថា នឹង​អាច​ចែកចាយ​លើ​ទីផ្សារ​សម្រាប់​ត្រីមាស​ទី១ ប៉ុន្តែ​ពេល​នេះ​ស្រាប់តែ​អ្នក​ជំនាញ​វិភាគ លោក Ming-Chi Kuo ​បាន​ផ្ដល់​បរិមាណ​ប៉ាន់ស្មាន​តួលេខ​ថ្មី​ត្រឹម​ចំនួន ១៨លាន​គ្រឿង​ប៉ុណ្ណោះ។

KGI ​បាន​លើក​ហេតុផល​ពីរ​យ៉ាង ដែល​នាំ​ឱ្យ iPhone X ​ធ្វើ​មិន​សូវ​បាន​ល្អ ដែល​ទី១ គឺ​ពាក់ព័ន្ធ​ចំណុច​រៀង​អន់​ចិត្ត​បន្តិច​នៅ​លើ​អេក្រង់​ឆក​របស់ iPhone កាមេរ៉ា​ភ្លោះ​បញ្ឈរ​នេះ ដែល​មាន​ការ​រិះគន់​ខ្លះ​ថា​អេក្រង់ ៥,៥អ៊ីញ​មិន​ពេញ​លេញ មិន​អាច​ប្រើ​នៅ​តំបន់​ផ្នែក​ខាង​លើ​ ទើប​ធ្វើ​ឱ្យ​ប៉ះពាល់​ដល់​ការ​លក់។ ក្នុង​នោះ​ដែរ ទាំង​ក្រុមហ៊ុន Huawei និង Oppo ​ក៏​ហាក់​ដូច​ជា តួលេខ​លក់​ថមថយ​ខ្លះ​ដែរ ដោយសារ​ប្រជាជន​ក្នុង​ស្រុក នៅ​បន្ត​ប្រើ​ទូរស័ព្ទ​របស់​ពួក​គេ​រយៈពេល​យូរ​ទៀត។

iPhone X ​ចំនួន ១៣លាន​គ្រឿង​ថែមទាំង​ត្រូវ​រំពឹង​ នឹង​លក់​ដាច់​ក្នុង​ត្រីមាស​ទី២ ខណៈ iPhone 7 និង iPhone 6s ​នឹង​បន្ត​មាន​ស្ថានភាព​ស្ថិតស្ថេរ។ ដោយសារ​បែប​នេះ KGI ​ធ្វើការ​ព្យាករណ៍​ថា Apple ​ប្រហែល​អាច​មើល​ឃើញ​កំណើន ០-៥% ​ក្នុង​ការ​ចែកចាយ​នៅ​ឆមាស​ទី១ ឆ្នាំ២០១៨ ​ប្រៀប​ត្រីមាស​ដូច​គ្នា​កាលពី​ឆ្នាំ​មុន។ លោក Kuo ថែមទាំង​បញ្ជាក់​ម្ដង​ទៀត​ថា យើង​គួរ​តែ​នឹង​ឃើញ iPhone ​ថ្មី ៣ម៉ូដែល​នៅ​ឆ្នាំ២០១៨ នេះ ដែល​មាន​ទំហំ​អេក្រង់​ផ្សេង​គ្នា​គឺ ៦,១អ៊ីញ LCD, ៦,៥អ៊ីញ OLED និង iPhone X ​ជំនាន់​ថ្មី​ដែល​ជា​ទាយាទ​ក្រោយ​របស់ iPhone X បច្ចុប្បន្ន។ របាយការណ៍​ថែមទាំង​លើកឡើង​ថា Apple អាច​នឹង​បញ្ឈប់​លក់ iPhone X ​នៅ​ពាក់​កណ្ដាល​ឆ្នាំ២០១៨។ ប្រសិន​ការ​ព្យាករណ៍​នេះ​ជា​ការ​ពិត​ Apple គួរ​តែ​នឹង​អាច​ចែកចាយ iPhone X សរុប​​ប្រមាណ ៦២លាន​គ្រឿង៕ ដោយ៖ រឹទ្ធិរាជ ប្រភព៖ 9to5mac.com