មនុស្សគ្រប់រូបសុទ្ធតែត្រូវឆ្លងកាត់វដ្ដជីវិតទាំង៤ខាងក្រោមនេះ
ជីវិតគឺជាដំណើរមួយ។ ក្នុងជីវិតរបស់មនុស្ស ធម្មជាតិរបស់ជីវិតមាន៤ដំណាក់កាល។តាំងពីយើងកើតមក មិនចេះអ្វីទាំងអស់ យើងក៏ចេះផ្តើមរៀន សាកល្បង លូតលាស់ ចេះគិតនិងចាស់គំនិតពីមួយថ្ងៃទៅមួយថ្ងៃ។ នៅពេលដែលយើងបន្តដំណើរជីវិតទៅមុខ យើងក៏កំពុងបន្តដំណើរពីវដ្ដជីវិតមួយទៅវដ្ដជីវិតមួយដែរ។ ខាងក្រោមនេះជាវដ្ដជីវិតទាំង៤ដែលអ្នកត្រូវឆ្លងកាត់៖
១) វ័យកុមារ៖ ក្នុងវដ្ដជីវិតនេះ វ័យកុមារអាចនិយាយបានថាគឺជាពេលវេលាដ៏រីករាយជាទីបំផុត។ ក្នុងវ័យនេះ កុមារមិនសូវគិតច្រើននោះទេ ពោលគឺទៅរៀន រាប់អានមិត្ត លេងសប្បាយៗនិងទៅសាលារៀននិងរៀនចំណេះដឹងបឋមតែប៉ុណ្ណោះ។
២) វ័យជំទង់៖ ក្នុងដំណាក់នេះ មនុស្សធំដឹងក្តីបន្តិចហើយ ប៉ុន្តែវ័យជំទង់គឺជាដំណាក់កាលសំខាន់បំផុតក្នុងជីវិតមនុស្ស។ មនុស្សកែប្រែល្អឬអាក្រក់អាចស្ថិតនៅក្នុងដំណាក់នេះព្រោះមនុស្សដែលស្ថិតនៅក្នុងដំណាក់នេះច្រើនតែជាពួកក្មេងឈាមរាវ ពោលគឺចង់សាកល្បងគ្រប់បែបណា។ ដូច្នេះហើយ ប្រសិនជារាប់អានមនុស្សខុស ជីវិតអាចឈានទៅដល់អ្នកជក់ថ្នាំញៀន។ល។ តែប្រសិនរាប់អានមនុស្សល្អ នោះជារឿងប្រសើរណាស់។
៣) វ័យមនុស្សធំ៖ ឈានដល់ដំណាក់នេះ មនុស្សចេះគិតនិងចាស់ទុំជាងមុនច្រើនហើយ។ ក្នុងវដ្ដជីវិតនេះ មនុស្សគិតពីការងារ រកលុយឬបង្កើតមុខរបរចិញ្ចឹមជីវិត។ ម៉្យាងវិញទៀត វ័យនេះក៏ជាពេលវេលាកសាងគ្រួសារផងដែរ។
៤) វ័យមនុស្សចាស់៖ ពេលមកដល់ដំណាក់នេះ យើងគ្រប់គ្នាចាប់ផ្ដើមគិតពីសុខភាព ស្វែងយល់ពីជីវិត។ លើសពីនេះគឺមនុស្សខិតខំប្រឹងប្រែងអប់រំនិងបន្សល់ទុកដូចជាថវិកាឬចំណេះដឹងដល់កូនចៅជំនាន់ក្រោយ៕
ដោយ៖ អឹុង មុយយូ
