ចំណុច៣យ៉ាងដែលជួយអ្នកវិនិយោគលើអចលនទ្រព្យបានត្រឹមត្រូវនិងប្រកបដោយភាពវ័យឆ្លាត
ការវិនិយោគលើអចលនទ្រព្យមិនមែនជារឿងលេងសើចនោះទេព្រោះថាអ្នកអាចបាត់បង់ថវិកាឬចំណេញប្រាក់ជាច្រើនពីការវិនិយោគលើអចលនទ្រព្យនេះ។ ដូច្នេះហើយ អ្នកត្រូវមានភាពវ័យឆ្លាតប្រសិនអ្នកមិនចង់បាត់បង់ថវិកានិងទទួលបានប្រាក់ចំណេញ។ ខាងក្រោមនេះជាចំណុច៣យ៉ាងដែលអ្នកគួរពិចារណាមុនវិនិយោគ៖
១) មូលហេតុនៃការវិនិយោគ៖ មូលហេតុដែលមនុស្សវិនិយោគលើអចលនទ្រព្យមានច្រើនប្រភេទ។ អ្នកខ្លះវិនិយោគផ្ទះដោយសារតែពួកគេចង់រស់នៅផ្ទះផ្ទាល់ខ្លួនដោយពុំចាំបាច់ជួលផ្ទះគេ។ ឯអ្នកខ្លះទៀតទិញផ្ទះដោយសារតែចង់ជួលផ្ទះបន្តទៅអ្នកដទៃដោយទទួលបានលុយប្រចាំខែ។ ឯអ្នកខ្លះទៀតវិនិយោគនៅតំបន់ដែលអាចធ្វើជំនួញ។ ដូច្នេះហើយ អ្នកត្រូវមានគោលដៅឬមូលហេតុឲ្យច្បាស់លាស់ពីការវិនិយោគព្រោះវាជួយអ្នកក្នុងការសម្រេចចិត្តត្រឹមត្រូវ។
២) គិតឲ្យបានវែងឆ្ងាយ៖ អ្នកត្រូវដឹងថាអ្នកពុំអាចទទួលបានផ្លែផ្កាពីការវិនិយោគលើអចលនទ្រព្យក្នុងពេលមួយយប់នោះទេ។ ក្នុងវិស័យអចលនទ្រព្យ ពេលវេលាគឺជាលុយ។ អ្នកអាចអង្គុយរាប់ថ្ងៃ ចាំដល់ខែហើយទទួលបានលុយពីការជួល។ ម៉្យាងវិញទៀត បើទុកផ្ទះកាន់តែយូរ តម្លៃកាន់តែបានថ្លៃ។ អ្នកចំណេញបានទាំងអស់។
៣) ធ្វើការស្រាវជ្រាវ៖ មុននឹងវិនិយោគលើអចលនទ្រព្យ អ្នកត្រូវសិក្សាពីទីផ្សារនៅតំបន់ដែលអ្នកចង់ទិញឬក្រុមហ៊ុនដែលអ្នកទិញផ្ទះព្រោះមានក្រុមហ៊ុនខ្លះបានខ្ចីលុយពីធនាគារហើយគ្មានប្រាក់សងត្រលប់ទៅវិញ។ ដើម្បីជៀសវាងពីការរើសអូសឬខាតបង់ អ្នកត្រូវធ្វើការស្រាវជ្រាវ សិក្សានិងគិតឲ្យបានច្បាស់លាស់៕
ប្រែសម្រួល៖ អឹុង មុយយូ
ប្រភព៖ inc.com
