បន្ទាប់​ពី​ត្រូវ​គេ​រក​ឃើញ​ថា Apple ​កំពុង​បន្ថយ​ល្បឿន chipset ​ដោយសារ​តែ​មូលហេតុ​ខ្សោយ​ថ្ម​នៅ​លើ iPhone ស៊េរី​ចាស់ៗ​នោះ ពេល​នេះ មាន​សេចក្ដី​រាយការណ៍​ថា ក្រុមហ៊ុន​អាមេរិក​នេះ នឹង​អនុញ្ញាត​ឱ្យ​អតិថិជន​អាច​បិទ disable ​មុខងារ​ធ្វើ​ឱ្យ ល្បឿន​ដំណើរការ​យឺត​នេះ​បាន។

បើ​តាម​ការ​លើកឡើង​របស់​លោក Tim Cook ​ឱ្យ​ដឹង​ថា អ្នក​ប្រើ iOS 11 នឹង​អាច​បញ្ឈប់​ការ​ធ្លាក់​ចុះ​ល្បឿន​នេះ​បាន ជាមួយ​ការ​ធ្វើ​បច្ចុប្បន្នភាព​នៅ iOS ជំនាន់​បន្ទាប់​ខាង​មុខ ដែល​នឹង​ដាក់​ចេញ​ឱ្យ​ដំឡើង​ប្រើ​ជា​សាធារណៈ​អំឡុង​ខែ​មីនា​ខាង​មុខ។ លោក Tim Cook ​បាន​លើកឡើង​នៅ​ក្នុង​បទសម្ភាសន៍​មួយ​ជាមួយ​សារព័ត៌មាន ABC ​ថា នឹង​មាន​ការ​ជូន​ដំណឹង​ដល់​អ្នក​ប្រើ នៅ​ពេល​ណា​កញ្ចប់​សូហ្វ៊ែរ​ថ្មី​ត្រូវ​បញ្ចេញ​ជា​ផ្លូវការ ដើម្បី​ផ្ដល់​ជម្រើស​ឱ្យ​អ្នក​ប្រើ​អាច​បិទ disable ​កុងតាក់​ដែល​ធ្វើ​ឱ្យ iPhone ដើរ​យឺត ក្រោយ​ពេល Apple បន្ថយ​ល្បឿន​ទូរស័ព្ទ​ក្នុង​គោលបំណង​បញ្ចៀស​បញ្ហា​ថ្ម​ដែល​មាន​នៅ​លើ iPhone ស៊េរី​ចាស់ៗ ជៀសវាង​ឆាប់​អស់​ថ្ម ឬ​ប្រើ​សុខៗ​រលត់​នោះ៕ ​ដោយ៖ រឹទ្ធិរាជ ប្រភព៖  gsmarena