ទោះមានលុយច្រើនប៉ុណ្ណានោះទេ កុំស្មានថា អ្នកអាចទិញនូវចំណុចទាំងនេះបានឡើយ
ជាការពិតណាស់ លុយពិតជាដើរតួនាទីយ៉ាងសំខាន់ក្នុងជីវិតមនុស្ស។ ប្រសិនជាគ្មានលុយ មនុស្សច្បាស់ជាបញ្ហាជាច្រើនព្រោះអ្វីៗត្រូវការលុយដើម្បីដោះស្រាយ។ យ៉ាងណាក៏ដោយ លុយពិតជាជួយដោះស្រាយបញ្ហារបស់មនុស្ស ប៉ុន្តែលុយមិនអាចទិញសុភមង្គលបាននោះទេ។ ជាក់ស្ដែង តារាចម្រៀងជាច្រើនដែលមានលុយច្រើនសន្ធឹកសន្ធាប់នៅតែធ្វើអត្តឃាតដោយសារតែជំងឺបាក់ទឹកចិត្តជាដើម។ នេះបញ្ជាក់យ៉ាងច្បាស់ថាលុយមិនអាចទិញភាពរីករាយបាននោះទេ។ ខាងក្រោមនេះចំណុចដែលលុយមិនអាចទិញបានដូចគ្នា៖
១) ក្តីស្រឡាញ់៖ លុយមិនអាចទិញក្តីស្រឡាញ់បាននោះទេព្រោះក្តីស្រឡាញ់កើតចេញពីអារម្មណ៍ស្និទ្ធស្នាល ក្តីបារម្ភនិងអារម្មណ៍ពិសេសដែលមនុស្សមានចំពោះគ្នា។ ដូច្នេះហើយ មិនថាអ្នកមានលុយច្រើនប៉ុណ្ណានោះទេ អ្នកមិនអាចទិញក្តីស្រឡាញ់បានឡើយ។
២) ការពិត៖ ក្នុងសង្គមជាក់ស្តែង អ្នកណាមានលុយ អ្នកនោះច្រើនតែឈ្នះ។ ជារៀងរាល់ឆ្នាំ នយោបាយបានជះលុយជាច្រើនផ្សព្វផ្សាយពីគណបក្សរបស់ពួកគេ។ នៅពេលកាត់ក្តីនៅតុលាការ ទោះបីជាលុយពិតជាអាចជួយបានខ្លះ ប៉ុន្តែការពិតនៅតែជាការពិត។ ហើយក្រដាសខ្ចប់ភ្លើងមិនជិតនោះទេ។
៣) ពេលវេលា៖ ពេលវេលាដែលកន្លងផុតហើយ មិនអាចត្រលប់មកវិញបាននោះទេ។ មិនថាបច្ចេកវិទ្យាជឿនលឿនយ៉ាងណានោះទេ វាមិនអាចទាញពេលវេលាឲ្យត្រឡប់ក្រោយឡើយ។ វាបានត្រឹមតែជួយពន្យារអាយុជីវិតមនុស្សដោយការព្យាបាលតែប៉ុណ្ណោះ។ ដូច្នេះហើយ ត្រូវរស់នៅឲ្យមានន័យនិងប្រើប្រាស់ពេលវេលាដែលអ្នកមានឲ្យមានន័យ។
៤) ចំណេះដឹង៖ បើអ្នកមានលុយ អ្នកអាចបង់លុយចូលរៀនសាលាថ្លៃៗឬល្បីៗបាន។ ហើយអ្នកក៏អាចទិញសៀវភៅជាដើម។ ប៉ុន្តែ ដើម្បីទទួលបានចំណេះដឹងពិត វាទាមទារការខំប្រឹងរបស់អ្នក។ អ្នកមិនអាចជះលុយហើយទទួលបានចំណេះដឹងដោយគ្មានការខំប្រឹងនោះទេ៕
ប្រែសម្រួល៖ អឹុង មុយយូ
ប្រភព៖ Power of Positivity
