ក្រុមហ៊ុន SanDisk ​ថ្មីៗ​នេះ​បាន​បង្ហាញ​ចេញ​សមិទ្ធផល​ថ្មី​ដែល​ជា Flsh Drive ​ពីរ​ស៊េរី​នៅ​ពិព័រណ៍ CES 2018។ អ្វី​គួរ​ឱ្យ​ចាប់អារម្មណ៍​ ក្នុង​នោះ​រួម​មាន​ទាំង USB Type-C ​ទំហំ 1TB ដែល​មាន​រូបរាង​តូច​បំផុត​លើ​លោក។ ពិត​ជា​ពិសេស ដែល SanDisk អាច​ផលិត​ចេញ Flash ​ប្រើ USB C ញាត់​បញ្ចូល​​ទំហំ​ដល់ 1TB នៅ​ក្នុង​រូបរាង​តូច​ច្រឡឹង​បែបនេះ។

ចំណែក Flash Drive មួយ​ទៀត​គឺ​ត្រូវ​បាន​ចេញ​លក់​ជា​ប្រភេទ SanDisk Ultra Fit USB 3.1 ដែល​មាន​ទំហំ 256GB ​ក៏​ត្រូវ​បាន​អះអាង​ជា 256GB Flash drive ​ទំហំ​រូបរាង​តូច​បំផុត​លើ​លោក​ផង​ដែរ។

វា​មាន​សំណុំ​បែបបទ form-factor ​ដូច​ជា SanDisk Ultra Fit drive ​ផ្សេង​ដែរ មាន​ន័យ​ថា​វា​តូច​ជាង Flash ស៊េរី​មុនៗ​បន្តិច។ វា​ជា USB 3.1 ជំនាន់​ទី១ ដែល​មាន​ល្បឿន read ​ដល់ 130MB/s។ ម៉ូដែល​នេះ​មាន​តម្លៃ ១៤៩,៩៩ដុល្លារ​អាមេរិក ខណៈ​ដែល USB Type-C Flash Drive ​ទំហំ 1TB ហាក់​មិន​ទាន់​ត្រូវ​បញ្ជាក់​ឱ្យ​ដឹង​ពី​តម្លៃ​នៅ​ឡើយ៕ ដោយ៖ រឹទ្ធិរាជ ប្រភព៖ gsmarena