មធ្យោបាយ ៥យ៉ាងធ្វើឱ្យមេរបស់អ្នកស្រលាញ់អ្នក
ការធ្វើឱ្យមេរបស់អ្នកស្រលាញ់អ្នក គឺមិនមែនជារឿងដែលបុគ្គលិកគ្រប់គ្នាអាចធ្វើបាននោះទេ។ មនុស្សជាច្រើនតែងតែរអ៊ូរទាំពីចៅហ្វាយនាយរបស់ខ្លួន ឬបើមិនដូច្នោះទេ គឺនិយាយថាមិនយល់តែម្ដង។ ប្រសិនបើលោកអ្នកចង់ឱ្យមេរបស់អ្នកស្រលាញ់ គួរធ្វើតាមវិធីទាំង ៥ជំហានខាងក្រោមនេះ៖
១) សួរនិងឈ្វេងយល់ពីវិធីសាស្ត្រដែលល្អបំផុតដើម្បីធ្វើការជាមួយមេ៖ រៀនពីរបៀបដែលពួកគាត់ធ្វើការ និងគិត។ ស្វែងរកឱ្យឃើញពីរបៀបនៃការគ្រប់គ្រងរបស់មេដឹកនាំរូបនោះ។ ពេលខ្លះលោកអ្នកក៏អាចសួរពីរបៀបដែលពួកគេចូលចិត្តទំនាក់ទំនងដូចជាតាមទូរស័ព្ទ អ៊ីមែល ផ្ញើសា ឬនិយាយដោយផ្ទាល់ ហើយពេលវេលាណាដែលល្អបំផុតដែលលោកអ្នកគួរនិយាយទៅរកពួកគាត់។
២) ទៅជាមួយដំណោះស្រាយ មិនមែនទៅជាមួយបញ្ហានោះទេ៖ គ្មាននរណាម្នាក់ចង់ដឹកនាំអ្នកដូចកាន់ដៃក្មេងដើរនោះទេ។ អ្នកត្រូវបង្ហាញពីការយល់ឃើញរបស់អ្នកពីស្ថានភាពផ្សេងៗគ្នា ហើយត្រូវនាំមកជាមួយនូវដំណោះស្រាយចំពោះបញ្ហាមិនមែននាំតែបញ្ហានោះទេ។ ត្រូវបង្ហាញទៅកាន់មេរបស់អ្នកថា អ្នកជាមនុស្សអាចពឹងពាក់ឱ្យធ្វើកិច្ចការផ្សេងៗបាន។
៣) ទំនាក់ទំនងឱ្យបានច្រើន៖ មិនមែនទំនាក់ទំនងដើម្បីតែនិយាយលេងនោះទេ ប៉ុន្តែត្រូវផ្ដល់នូវព័ត៌មានថ្មីៗ ឬក៏អាចនិយាយពីព័ត៌មានអាក្រក់ដែលស្ថាប័នឬមេរបស់អ្នកត្រូវដឹង។ និយាយអំពីកាលបរិច្ឆេទគម្រោងរបស់អ្នក និងអារម្មណ៍នៃការបំពេញការងារ។ អ្នកក៏អាចពិភាក្សាអំពីឧបសគ្គផ្សេងៗដែលអ្នកកំពុងប្រឈមផងដែរ។
៤) សន្យាតិច តែត្រូវធ្វើ និងបង្កើតលទ្ធផលឱ្យបានច្រើន៖
៥) ត្រូវមានទំនួលខុសត្រូវចំពោះកិច្ចការខ្លួនឯង៖ បុគ្គលិកដែលល្អបំផុតគឺបំពេញការងារឱ្យបានសម្រេច។ ពួកគេធ្វើខ្លួនឯងជាបុគ្គលិកដែលមានទំនួលខុសត្រូវចំពោះគោលបំណង និងកាលបរិច្ឆេទគម្រោង ក៏ដូចជាបង្កើតលទ្ធផលដ៏គាប់ចិត្ត។ ប្រសិនបើអ្នកមិនអាចសម្រេចការងារតាមកាលបរិច្ឆេទកំណត់នោះទេ ត្រូវនិយាយពីហេតុផល ទទួលយកកំហុស និងលើកពីចំណុចខ្វះខាតដែលត្រូវរៀនសូត្របន្ថែម៕
ដោយ៖ រតនៈវិភូ
