ចំណុចសាមញ្ញ ៗ ដែលអ្នកមិនគួរមើលរំលងនិងគួរធ្វើប្រចាំថ្ងៃ ព្រោះវាមានឥទ្ធិពលលើជីវិតអ្នកខ្លាំងណាស់
«ឆ្នាំថ្មី ខ្ញុំក៏ថ្មីដែរ។» ជាពាក្យដែលមនុស្សជាច្រើនបាននិយាយមកកាន់ខ្លួនឯង។ អ្នកទាំងអស់គ្នាប្រហែលជាមានគោលដៅឬការតាំងចិត្តចង់សម្រេចឬចង់ផ្លាស់ប្តូរ។ ប៉ុន្តែ ខាងក្រោមនេះ ក៏ជាចំណុចដែលអ្នកមិនគួរមើលរំលងផងដែរ ព្រោះវាជួយឲ្យជីវិតរបស់អ្នកកាន់តែល្អប្រសើរឡើង៖
១) មើលថែខ្លួនឯង៖ ថែទាំសុខភាពទាំងផ្លូវកាយនិងផ្លូវចិត្តឲ្យបានល្អព្រោះបើមិនអ៊ីចឹងទេ អ្នកអាចឈឺឬបាក់ទឹកចិត្ត ពិបាកចិត្តជាពុំខាន។ ជីវិតនឹងគ្មានន័យនោះទេប្រសិនគិតតែពីឈឺនិងមិនសប្បាយចិត្តនោះ។ បន្ថែមពីលើនេះ កត់ត្រានូវអ្វីដែលល្អចំពោះអ្នកនិងមិនល្អចំពោះអ្នក។ ហើយជៀសវាងអ្វីដែលអាក្រក់និងធ្វើអ្វីល្អដល់អ្នកឲ្យបានច្រើន។
២) ស្គាល់មនុស្សថ្មីៗ៖ មិត្តពិតជាដើរតួនាទីយ៉ាងសំខាន់ណាស់ក្នុងជីវិត។ មិត្តអាចជួយអ្នកឲ្យជោគជ័យក្នុងការងារ ជួយអ្នកពេលមានគ្រាអាសន្ននិងលោមអ្នកឬលើកទឹកចិត្តពេលដែលអ្នកជួបការលំបាកឬបាក់ទឹកចិត្ត។ ជីវិតមិនអាចគ្មានមិត្តល្អបានទេ។ ដូច្នេះហើយ ព្យាយាមរាប់អានមនុស្សឲ្យបានច្រើន។
៣) ញញឹមឲ្យច្រើន៖ ញញឹមមិនមែនជារឿងអ្វីដែលពិបាកធ្វើនោះទេ។ ការញញឹមមិនត្រឹមធ្វើឲ្យអ្នកដទៃសប្បាយចិត្តនោះទេថែមទាំងធ្វើឲ្យអ្នកសប្បាយចិត្តដូចគ្នា។ ចាប់ផ្ដើមថ្ងៃថ្មីដោយការញញឹមនិងភាពរួសរាយរបស់អ្នក។
៤) អាន៖ អាននូវអ្វីដែលអ្នកចូលចិត្ត។ អាននូវអ្វីដែលអាជីពការងាររបស់អ្នកត្រូវការព្រោះការអាននឹងជួយអ្នកឲ្យក្លាយជាអ្នកជំនាញក្នុងវិស័យរបស់អ្នកនិងជួយឲ្យអ្នកជោគជ័យក្នុងអាជីពការងាររបស់អ្នកផងដែរ។ ៥) គ្រប់គ្រងហិរញ្ញវត្ថុ៖ លុយធ្វើឲ្យមនុស្សសប្បាយចិត្តហើយលុយក៏ធ្វើឲ្យមនុស្សពិបាកចិត្តផងដែរ។ ដូច្នេះហើយ អ្នកត្រូវចេះទុកដាក់លុយកាក់ឲ្យបានល្អ។ ចេះរក ចេះសន្សំនិងចេះវិនិយោគ៕
ដោយ៖ អ៊ឹង មួយយូ
