ព្រឹត្តិការណ៍ Audi Q5 Customer Premiere ដ៏អស្ចារ្យសម្រាប់អតិថិជន Q5 និងការដាក់បង្ហាញ Audi Q5 ថ្មីសន្លាងនៅកែប!
កាលពីថ្ងៃសៅរ៍ សប្ដាហ៍កន្លងទៅនេះ ក្រុមហ៊ុន Audi Cambodia បានប្រារព្ធកម្មវិធីដ៏អស្ចារ្យមួយលក្ខណៈ Premiere សម្រាប់អតិថិជនដែលបានជាវ Audi Q5 ពីក្រុមហ៊ុន Automotive Asia (Cambodia) Co., Ltd ដែលកម្មវិធីនេះបានធ្វើឡើងនៅទីក្រុងកែប។
នេះជាព្រឹត្តិការណ៍ដ៏មហោឡារិកមួយដែលមិនធ្លាប់មានពីមុនមកនោះទេព្រោះថាអតិថិជន Audi Q5 បានរីករាយជាមួយសកម្មភាពជាច្រើនមានដូចជា ងូតទឹកសមុទ្រកម្សាន្ត ជិះទូកក្ដោង ម៉ាស្សា និងកម្មវិធីជប់លៀងនៅរមណីយដ្ឋានជាលក្ខណៈគ្រួសារតែម្ដង។ នៅល្ងាចដដែលនោះ ក៏មានការបង្ហាញរថយន្ត Audi Q5 ថ្មីសន្លាងជូនដល់អតិថិជនសាកល្បង និងស្វែងយល់នូវបទពិសោធន៍ថ្មីៗជាមួយនឹងម៉ូដែលថ្មីនេះផងដែរ។
លោក Antoine Jeason នាយកផ្នែកប្រតិបត្តិការក្រុមហ៊ុន Audi បានថ្លែងអំពីលក្ខណៈពិសេសនៃ Audi Q5 ថា វាជាសមិទ្ធផលថ្មីមួយទៀតរបស់ក្រុមហ៊ុន Audi ខណៈម៉ូដែលស៊េរីចាស់បានទទួលការចាប់អារម្មណ៍ខ្លាំងពីសំណាក់អតិថិជននៅទូទាំងពិភពលោក។ ក្នុងឆ្នាំ ២០១៦ ម៉ូដែល SUV Audi Q5 នេះត្រូវបានលក់ចេញបានចំនួន ១,៦ លានគ្រឿងនៅទូទាំងពិភពលោក។
លោក Antoine Jeanson បានមានប្រសាសន៍បន្ថែមទៀតថា៖ «ត្រឹមតែរយៈពេលពីរបីខែ បន្ទាប់ពីការដាក់លក់ជាផ្លូវការនៅទូទាំងពិភពលោក Audi Q5 ស៊េរីថ្មីនេះ ក៏មានវត្តមាននៅក្នុងប្រទេសកម្ពុជាយើងដែរ ដើម្បីពន្លឿនដំណើរការជោគជ័យ quattro Audi នៅប្រទេសកម្ពុជា”។
ព័ត៌មានលម្អិតសូមអាន៖ Audi Q5 ថ្មីសន្លាងដែលជាប់ចំណាត់ថ្នាក់ផ្កាយប្រាំពិភពលោកលើគុណភាពធ្វើតេស្ដពេលបុក មកដល់ទីផ្សារកម្ពុជាហើយ!
នៅព្រឹកថ្ងៃអាទិត្យបន្ទាប់ អតិថិជនរបស់ក្រុមហ៊ុន Audi Q5 ទាំងអស់ បានបើកបររថយន្តខ្លួនឡើងភ្នំដើម្បីទទួលយកនូវបទពិសោធន៍នៃការសាកល្បងសមត្ថភាពរថយន្តរបស់ខ្លួន។
សូមបញ្ជាក់ថា Audi Q5 មិនត្រឹមតែមានលក្ខណៈប្រណិតប៉ុណ្ណោះទេ ប៉ុន្តែបច្ចេកវិទ្យា quattro ធ្វើឱ្យរថយន្តនេះអាចបើកបរបានគ្រប់ស្ថានភាពផ្លូវទាំងអស់ ពោលគឺមិនមែនផ្លូវស្អាតនោះទេ ប៉ុន្តែផ្លូវឡើងភ្នំ ផ្លូវភក់ជាដើមគឺអាចបើកបរបានទាំងអស់។
អតិថិជនដែលជាវ Audi Q5 ទាំងអស់មិនត្រឹមតែទទួលបានផលិតផល និងសេវាកម្មដ៏ល្អអស្ចារ្យប៉ុណ្ណោះទេ ប៉ុន្តែ បានក្លាយជាគ្រួសារ Audi ដែលទទួលបាននូវអត្ថប្រយោជន៍ជាច្រៀនទៀត។ មុនចេញដំណើរមកទីក្រុងភ្នំពេញវិញ ក៏មានការញ៉ាំអាហារជុំគ្នាលក្ខណៈជា Bar B Q នៅក្នុងព្រៃថែមទៀតផង៕
