នៅ​មុន​ពេល​ការ​ប្រកាស​ផ្លូវការ ដោយ​ក្រុមហ៊ុន Intel ផ្ទាល់ អំពី​កាលបរិច្ឆេទ​ចេញ​អង្គ​ប្រតិបត្តិ​ជំនាន់​ថ្មី​ចុងក្រោយ Intel Core “Coffee Lake” នោះ វា​ហាក់​មាន​ប្រភព​ព័ត៌មាន​ជាច្រើន បាន​តាម​កៀក ហើយ​តែងតែ​ផ្ដល់​តម្រុយ​ថ្មីៗ​ជានិច្ច។ ជាក់ស្ដែង​ប្រភព​ពី​វែបសាយ io-Tech.fi ​ថ្មីៗ​នេះ បាន​អះអាង​ថា desktop processor ថ្មី​នេះ នឹង​មាន​លក់​នៅ​ថ្ងៃ​ទី៥ ខែ​តុលា​ក្រោយ​នេះ​តទៅ​ហើយ។

ឈីប CPU ថ្មី​សម្រាប់​ប្រើ​ជាមួយ​កុំព្យូទ័រ Intel Core “Coffee Lake” នេះ ត្រូវ​គេ​រំពឹង​ថា នឹង​មាន​តម្លៃ​រៀង​គ្នា​ពី​លក្ខណៈ សម្បត្តិ​ដូច​ជា Core i3-8350K តម្លៃ 199 €, Core i5-8600K តម្លៃ 299 € និង Core i7-8700K តម្លៃ 419 € ឬ $240 / $360 / $505។

​Core ជំនាន់​ទី៨ របស់ Intel ​ដែល​ប្រើ​លេខ​កូដ “Coffee Lake” នេះ ចំពោះ overclock អាច​មាន​កំណត់​ចំពោះ Core i7 និង Core i7 SKUs។ វា​ថែមទាំង​រើស​បន្ទះ motherboard chipset ​ជា​ប្រភេទ Z370 Express ​ដែល​គាំទ្រ CPU overclocking។ ចំណោម SKUs ឈីប​សមត្ថភាព​ខ្ពស់​ជាង​គេ​គឺ Core i7-8700 six-core processor ជាមួយ HyperThreading ដំណើរការ 12 threads, L3 cache ទំហំ 12MP និង Core i5-8600K ក៏​មាន six-core ​តែ​អត់​មាន HyperThreading និង​មាន L3 caches ត្រឹម 9MP៕ ប្រែ​សម្រួល៖ រឹទ្ធិរាជ ប្រភព៖ io-Tech.fi : TPU