លោកអ្នកអានក្រាហ្វទាំង ៦នេះហើយ នឹងបានយល់ពីសេដ្ឋកិច្ចសកលលោកនៅឆ្នាំ២០១៦
សេដ្ឋកិច្ចសកលលោកនៅឆ្នាំថ្មីនេះ មានភាពប្រសើរឡើងមែនទែន គឺទំនងត្រូវបានគ្រប់គ្រងដោយប្រទេសចិន ខណៈតម្លៃប្រេងសកលនឹងបន្តធ្លាក់ចុះ និងគោលនយោបាយហិរញ្ញវត្ថុនៅសហរដ្ឋអាមេរិក និងសហភាពអឺរ៉ុបនៅតែទន់ខ្សោយ។
លោក Alan Mudie ប្រធានផ្នែកវិនិយោគយុទ្ធសាស្ត្រនៃក្រុមហ៊ុន Societe Generale Private Banking និងក្រុមការងាររបស់លោកបានបកស្រាយសេដ្ឋកិច្ចសកលដូចដែលបង្ហាញនៅក្នុងក្រោមដែល Biz Khmer ដកស្រង់ពី Business Insider។
១) គោលនយោបាយអត្រាការប្រាក់សូន្យនៅបណ្ដាប្រទេសជឿនលឿនមួយចំនួន នឹងជំរុញឱ្យមានកំណើនបំណុលដែលបញ្ចេញដោយក្រុមហ៊ុននៅបណ្ដាប្រទេសទីផ្សារកំពុងងើបឡើង (emerging markets)។ មានបណ្ដាប្រទេសមានទីផ្សារកំពុងងើបឡើងមួយចំនួនបានចេញចំណាត់ការចំពោះស្ថានការណ៍នេះដែលតម្រូវឱ្យមានការប្រុងប្រយ័ត្នខ្ពស់។
២) កំណើនពាណិជ្ជកម្មសកលស្ថិតនៅក្រោមកម្រិតមធ្យមជាប្រវត្តិសាស្ត្របន្ទាប់ពីវិបត្តិសេដ្ឋកិច្ចនៅឆ្នាំ២០០៩។ ទោះជាយ៉ាងណា នេះបានបង្ហាញពីការងើបឡើងវិញពីវិបត្តិ។ តម្រូវការសកលនឹងថយចុះ ដោយសារតែដំណើរវិវត្តន៍នៅប្រទេសដែលមានទីផ្សារកំពុងងើបឡើងមានការថមថយ។
៤) ការចំណាយទៅលើការអភិវឌ្ឍន៍ហេដ្ឋារចនាសម្ព័ន្ធនៅតែបន្តកើនឡើង ការចំណាយទៅលើការអភិវឌ្ឍន៍ហេដ្ឋារចនាសម្ព័ន្ធនៅតំបន់អាស៊ី ប៉ាស៊ីហ្វិកនឹងកើនឡើងដល់ជាង ៥ទ្រីលានដុល្លារក្នុងមួយឆ្នាំនៅឆ្នាំ២០២៥ ដែលស្មើនឹង ៦០%នៃការចំណាយសរុបទូទាំងពិភពលោកនៅរយៈពេល ១០ឆ្នាំក្រោយ។ ចិន និងឥណ្ឌា នៅឈរនៅលើកំពូលតារាងនេះ។
៥) ទីផ្សារភាគហ៊ុនជប៉ុននឹងហក់ឡើង ដោយសារតែមានការបន្ធូរបន្ថយគោលនយោបាយហិរញ្ញវត្ថុ និងកំណែទម្រង់ការគ្រប់គ្រងក្រុមហ៊ុន
៦) តម្លៃប្រេងនៅតែបន្តធ្លាក់ចុះ ឬស្ថិតនៅក្នុងតម្លៃទាបដដែល ខណៈផលិតកម្មប្រេងនៅស្ដេចប្រេងទីមួយក្នុងលោកគឺអារ៉ាប៊ីសាអ៊ូឌីតនៅតែបន្តកើនឡើង ហើយផលិតកម្មប្រេងឆៅនៅសហរដ្ឋអាមេរិកក៏នៅតែកើនឡើងដែរ៕
ដោយ៖ រតនៈវិភូ
