​ក្រុមហ៊ុន Sony ​បាន​ប្រកាស​ចេញ​ឧបករណ៍​ស្ដាប់​តន្ត្រី​ស៊េរី Walkman ជំនាន់​ចុងក្រោយ ម៉ូដែល Sony NW-ZX300 Walkman។ NW-ZX300 Walkman ​បាន​ភ្ជាប់​ជាមួយ​មេម៉ូរី​ទំហំ 64GB ​និង​អាច​បន្ថែម​កាត​មេម៉ូរី​ដល់ 128GB។ ឧបករណ៍​ស្ដាប់​តន្ត្រី​ថ្មី​នេះ មាន​អេក្រង់​ទំហំ ៣,១អ៊ីញ​កម្រិត 800x480px ​និង​គាំទ្រ​ប្រព័ន្ធ​ High Resolution Audio គឺ​ឮ​ច្បាស់​ល្អ។ ZX300 ​ផ្ដល់​សំឡេង High Resolution Audio ជាមួយ S-Master HX digital amplifier។ ​អ្នក​នឹង​រីករាយ​ជាមួយ​ការ​ស្ដាប់​តន្ត្រី​ជាមួយ​ល្បឿន 11.2MHz DSD native playback និង 384kHz/32bit PCM playback។

​វា​ត្រូវ​បាន​ផលិត​ពី​អាលុយមីញ៉ូម ហើយ​ធន់​ទ្រាំ​នឹង​សំណឹក ឬ​ស្នាម​ឆ្កូត។ FTCAP (Conductive Polymer Aluminium Solid Capacitors) ត្រូវ​បាន​ច្របាច់​បញ្ចូល​ដើម្បី​ផ្ដល់​គុណភាព​សំឡេង​មុត​ច្បាស់ បុក​បាស​ល្អ​ផង​ដែរ។ អ្នក​អាច​ស្វែងយល់​លំអិត​អំពី Sony NW-ZX300 Walkman ​នៅ​លើ​គេហទំព័រ​ផ្លូវការ​របស់ Sony បាន។ វា​នឹង​មាន​លក់​នៅ​ខែ​តុលា ក្នុង​តម្លៃ ៦៩៩ដុល្លារ​អាមេរិក៕ ​ប្រែ​សម្រួល៖ រឹទ្ធិរាជ ប្រភព៖ Sony