អ្នកសារព័ត៌មានអាមេរិកលោកស្រី Lisa Ling៖ «ការអប់រំល្អជាងគេដែលខ្ញុំបានទទួលគឺបានមកពីការធ្វើដំណើរ»
« ការអប់រំល្អជាងគេដែលខ្ញុំបានទទួលគឺបានមកពីការធ្វើដំណើរ» គឺជាសម្ដីរបស់លោកស្រី Lisa Ling ដែលត្រូវបានគេស្គាល់ថាជាអ្នកសារព័ត៌មាន ម្ចាស់កម្មវិធី ទូរទស្សន៍ CNN និងជាអ្នកនិពន្ធសញ្ជាតិអាមេរិកដ៏ល្បីមួយរូប។ លោកស្រីបានលើកឡើងនូវមតិមួយនេះ ដោយផ្ដោតសំខាន់លើការអប់រំដែលលោកស្រីបានទទួលពីការដើរកម្សាន្តគ្រប់ទីកន្លែង។ ជាការពិតណាស់ បើអ្នកចង់ទទួលចំណេះដឹងពីអ្វីមួយ អ្នកចំណាយលើការអានសៀវភៅ ឬស្រាវជ្រាវតាមអ៊ីនធឺណិតក៏បាន។ ប៉ុន្តែវាមិនអាចឲ្យអ្នកចាំព័ត៌មានបាន១០០ភាគរយទេ។ តែបើអ្នកធ្វើដំណើរច្រើនវិញ អ្នកបានស្គាល់ពីធាតុពិតនៅទីនោះ ស្គាល់ពីវប្បធម៌អរូបី ប្រពៃណី សាសនា របៀបរស់នៅ និងអ្វីៗប្លែកៗជាច្រើន។ ដូចនេះ អ្នកគួរតែធ្វើដំណើរឲ្យបានច្រើន ដើម្បីទទួលយកការអប់រំ និងចំណេះដឹងថ្មីៗបន្ថែមទៀត៕
ប្រែសម្រួល៖ ព្រំ សុវណ្ណកណិ្ណកា ប្រភព៖ brainyquote
