គេហទំព័រ PayScaleបង្ហាញជំនាញសិក្សាទាំង១០ ដែលទទួលបានប្រាក់ខែខ្ពស់ជាងគេលើលោក
តារាងផែនការ ដែលគេបានប្រមូល ពីសាកលវិទ្យាល័យនានាទូទាំងពិភពលោក ប្រចាំឆ្នាំ ២០១៦ ទៅ២០១៧ បានឲ្យឃើញថា ជំនាញសិក្សាទាំង១០ខាងក្រោមនេះ អាចនឹងផ្ដល់ប្រាក់ខែ ខ្ពស់ជាងជំនាញណាៗ ទាំងអស់។ ក្នុងនោះមានដូចជា៖
១) បរិញ្ញាបត្រជាន់ខ្ពស់ផ្នែកគិលានុបដ្ឋាយិកាAnesthesia៖ ប្រាក់ឈ្នួល ដំបូងៗ អាចនឹងទទួលបាន ១៤០,០០០ ដុល្លារអាមេរិក។ វាជាំតម្លៃខ្ពស់ជាងគេបង្អស់ហើយទូទាំងពិភពលោក។ យូរៗ បន្តិចទៅ បើសិនជាមានបទពិសោធន៍កាន់តែច្រើន អ្នកនឹងទទួលបាន ដល់ ទៅ១៥៦,០០០ ដុល្លារអាមេរិក។
២) បរិញ្ញាបត្រជាន់ខ្ពស់ផ្នែកគ្រប់គ្រងអាជីវកម្ម៖ តាមពិតទៅ បើអ្នករៀនផ្នែកនេះ ប៉ុន្តែផ្ដោតឲ្យច្បាស់លាស់ទៅផ្នែក យុត្តិសាស្ត្រ អ្នកអាចទទួលបានប្រាក់ឈ្នួល ដំបូងៗ ដល់ទៅ ៩៦,២០០ដុល្លារអាមេរិក។ ហើយ យូរៗ បន្ដិចទៅអ្នកអាចនឹងទទួលបាន ១៤៩,០០០ ដុល្លារអាមេរិក។
៣) បណ្ឌិតផ្នែកវិស្វកម្មគីមី៖ អ្នកអាចទទួលបានប្រាក់ឈ្នួល ដំបូងៗចំនួន ៩៦,១០០ដុល្លារអាមេរិក។ ហើយយូរៗ បន្ដិចទៅអាចនឹងទទួលបាន ១៤៦,០០០ ដុល្លារអាមេរិក។
៤) បរិញ្ញាបត្រជាន់ខ្ពស់ផ្នែកគ្រប់គ្រងទូទៅនិងយុទ្ធសាស្ត្រ៖ អ្នកអាចទទួលបានប្រាក់ឈ្នួល ដំបូងៗចំនួន ៨៥,២០០ដុល្លារអាមេរិក។ យូរៗ បន្ដិចទៅអាចឡើងដល់ ១៤៦,០០០ ដុល្លារអាមេរិក។
៥) បណ្ឌិតផ្នែកវិស្វកម្មគីមីសរីរាង្គ៖ អ្នកអាចទទួលបានប្រាក់ឈ្នួល ដំបូងៗចំនួន ៨៣,៤០០ដុល្លារអាមេរិក។ យូរបន្ដិចទៅអាចឡើងដល់ ១៤៦,០០០ ដុល្លារអាមេរិក។
៦) បណ្ឌិតផ្នែកវិទ្យាសាស្ត្រកុំព្យូទ័រ៖ អ្នកអាចទទួលបានប្រាក់ឈ្នួល ដំបូងៗចំនួន ១១៨,០០០ដុល្លារអាមេរិក។ ហើយយូរៗ បន្ដិចទៅអាចនឹងទទួលបាន ១៤៥,០០០ ដុល្លារអាមេរិក។
៧) បណ្ឌិតផ្នែកវិស្វកម្មអគ្គិសនី៖ អ្នកអាចទទួលបានប្រាក់ឈ្នួល ដំបូងៗចំនួន ១០៣,០០០ដុល្លារអាមេរិក។ ហើយយូរៗ បន្ដិចទៅអាចនឹងទទួលបាន ១៤៤,០០០ ដុល្លារអាមេរិក។
៨) បណ្ឌិតផ្នែកឱសថសាស្ត្រ៖ អ្នកអាចទទួលបានប្រាក់ឈ្នួល ដំបូងៗចំនួន ៧៥,៤០០ដុល្លារអាមេរិក។ ហើយយូរៗ បន្ដិចទៅអាចនឹងទទួលបាន ១៤១,០០០ ដុល្លារអាមេរិក។
៩) បរិញ្ញាបត្រជាន់ខ្ពស់ផ្នែកសហគ្រិនភាព៖ អ្នកអាចទទួលបានប្រាក់ឈ្នួល ដំបូងៗចំនួន ៧០,៣០០ដុល្លារអាមេរិក។ ហើយយូរៗ បន្ដិចទៅអាចនឹងទទួលបាន ១៣៩,០០០ ដុល្លារអាមេរិក។
១០) បរិញ្ញាបត្រជាន់ខ្ពស់ផ្នែកហិរញ្ញវត្ថុក្រុមហ៊ុន៖ អ្នកអាចទទួលបានប្រាក់ឈ្នួល ដំបូងៗចំនួន ៧៨,១០០ដុល្លារអាមេរិក។ ហើយយូរៗ បន្ដិចទៅអាចនឹងទទួលបាន ១៣៨,០០០ ដុល្លារអាមេរិក៕
ដោយ ៖ ព្រំ សុវណ្ណកណ្ណិកា
