សេដ្ឋីអាមេរិក លោកGrant Cardone៖ ផ្នត់គំនិតអ្នកមាន ២យ៉ាង ដែលត្រូវបណ្ដុះប្រសិនបើចង់ក្លាយជាអ្នកមាន
សេដ្ឋីអាមេរិក លោកGrant Cardone ដែលជាអ្នកជំនួញ និង ជាអ្នកនិពន្ធដ៏ល្បីឈ្មោះនោះ បានអះអាងថា បើសិនចង់ជោគជ័យក្នុងជីវិត ឬ ក្លាយជាអ្នកមាននោះ មនុស្សគ្រប់រូបគួរតែបណ្ដុះផ្នត់គំនិតអ្នកមាន២យ៉ាង ទី១ គឺ ត្រូវព្យាយាមធ្វើឲ្យខ្លួនឯងទៅហួសពីតម្រូវការមូលដ្ឋាន (Basic Needs) និង ទី២ គឺត្រូវប្រឹងប្រែងឲ្យខ្លាំងក្លាបំផុត។
ផ្នត់គំនិតទី១ គឺ ត្រូវព្យាយាមធ្វើឲ្យខ្លួនឯងទៅហួសពីតម្រូវការមូលដ្ឋាន (Basic Needs)៖ មានមនុស្សជាច្រើនរស់នៅក្នុងភាពក្រីក្រ ដោយរកព្រឹកខ្វះល្ងាច។ ចំណុចនេះដោយសារតែពួកគេមិនបានព្យាយាមកំណត់ឲ្យច្បាស់ថា ខ្លួនគួរស្ថិតនៅចំណុចណាឲ្យពិតប្រាកដក្នុងជីវិត។ បើចង់ជោគជ័យក្នុងជីវិត អ្នកមិនអាចទ្រាំរស់នៅក្នុងស្ថានភាពក្រីក្រនោះឡើយ ដូច្នេះហើយអ្នកត្រូវតែបណ្ដុះផ្នត់គំនិតថា ខ្លួនឯងនឹងរស់នៅក្នុងស្ថានភាពប្រសើរ និង ឈានទៅដល់ជីវភាពអ្នកមាន។
ផ្នត់គំនិត២ គឺត្រូវប្រឹងប្រែងឲ្យខ្លាំងក្លាបំផុត៖ គ្មាននរណាម្នាក់អាចជោគជ័យធំធេង ដោយគ្មានការខិតខំប្រឹងប្រែង និងតស៊ូយ៉ាងលំបាកក្នុងជីវិតនោះឡើយ ហើយបើទោះបីជាអ្នកទៅសួរមហាសេដ្ឋីទាំង១០០នាក់ ក៏ពួកគេនៅតែប្រាប់ចំណុចមួយជារួមមួយដែរ គឺត្រូវប្រឹងប្រែងធ្វើការឲ្យខ្លាំង។ ដូច្នេះហើយ បើចង់ជោគជ័យក្នុងជីវិត សូមកុំខ្លាចលំបាកក្នុងជីវិត ហើយក៏កុំខ្លាចឧបសគ្គនោះដែរ ព្រោះវាគឺគ្រឿងលម្អមួយដែលធ្វើឲ្យជីវិតរបស់អ្នកកាន់តែអស្ចារ្យ ប្រសិនបើអ្នកមិនរត់គេច៕
