ប្រិយមិត្តនៅចាំស្មាតហ្វូន Sharp Aquos Crystal បានទេ? វាជាស្មាតហ្វូនផលិតដោយក្រុមហ៊ុនអេឡិចត្រូនិកជប៉ុនកាលពីឆ្នាំ២០១៤ ដែលមានសាច់អេក្រង់ពាសស្ទើរពេញគែមទូរស័ព្ទ (edge-to-edge)។ ហើយស្មាតហ្វូន អេក្រង់ពេញ (full-screen) ថ្មីចុងក្រោយមួយទៀតរបស់ Sharp ក៏ជិតដល់ពេលឃើញពន្លឺថ្ងៃទៀតហើយ ដែលមានម៉ូដែល AQUOS S2។
AQUOS S2 នឹងជាស្មាតហ្វូនទំនើបជំនាន់ថ្មីរបស់ Sharp ដែលមានគែមអេក្រង់ស្ដើង នឹងត្រូវប្រកាសផ្លូវការនៅថ្ងៃទី៨ សីហា ប៉ុន្មានថ្ងៃខាងមុខ ហើយនឹងមានលក់លើទីផ្សារចិន ចាប់ពីថ្ងៃទី១៤ សីហា។ វានឹងក្រាលដោយកញ្ចក់ស្ទើរពេញផ្ទៃមុខទូរស័ព្ទ ពោលគឺលាតសន្ធឹងប្រហែល ៨៤,៩៥%។ក្រុមហ៊ុន Sharp ហាក់មានបំណងផលិតស្មាតហ្វូន ដែលក្រាលដោយកញ្ចក់អេក្រង់ ១០០% បើដូច្នេះមើល សាធារណជននឹងចាប់អារម្មណ៍ ក៏នឹងចង់ដឹងថា តើក្រុមហ៊ុននឹងបំពាក់កាមេរ៉ាមុខ fingerprint sensor, រន្ធសំឡេង earpiece ត្រង់ណាបាន នៅលើ AQUOS S2 នេះ។
លើសពីនេះ Sharp ថែមអាចសម្រេចបានបច្ចេកវិទ្យាធន់នឹងសម្ពាធ នៃការធ្លាក់ (anti-dropping) ដែលរឹតតែផ្ដល់ទំនុកចិត្តខ្ពស់ មិនខ្លាចបែងអេក្រង់។ ក្រុមហ៊ុន Sharp នឹងដាក់ឱ្យចរាចរស្មាតហ្វូន AQUOS S2 នៅលើទីផ្សារចិន សារជាថ្មី បន្ទាប់ពីខានជាន់ទីផ្សារនេះអស់រយៈពេល ៤ឆ្នាំកន្លងមក៕
ប្រែសម្រួល៖ រឹទ្ធិរាជ
ប្រភព៖ gsmarena
