គតិចំនួន៧ ដែលកំពូលអ្នកច្នៃប្រឌិតប្រចាំប្រវត្តិសាស្ត្រ លោក ស្ទីវចប បានផ្ដែផ្ដាំទុកជំនាន់ក្រោយ
មុននឹងលោកបានលាចាកលោកទៅ មិត្តភ័ក្ដិរបស់លោក បានធ្វើការសាកសួរគាត់។ គាត់ក៏បានរៀបរាប់ពីរឿងរ៉ាវជាច្រើន ដែលវាពិតជាមេរៀនសំខាន់ដល់អ្នកជំនាន់ក្រោយ យកមកអនុវត្តសម្រាប់ជីវិត។ តើមេរៀនជីវិតទាំងនោះ មានអ្វីខ្លះទៅ?
- លោកស្រឡាញ់អ្វីដែលលោកបានធ្វើ ក្នុងនោះមានក្រុមហ៊ុន មនុស្សដែលធ្វើការនៅទីនោះ ព្រមទាំងផលិតផលដែលលោកមានទាំងអស់។
- បើចង់ជោគជ័យ អ្នកមិនអាចធ្វើវាបាន ដោយឯកឯងឡើយ។ ក្នុងនោះអ្នកត្រូវការមនុស្សណាដែលមានទេពកោសល្យ ចេះ ជំរុញទឹកចិត្ត ចេះចាប់យកឱកាស និងចេះកែប្រែកំហុស។
- បើសិនជាអ្នកចង់លក់ផលិតផល ឬសេវាកម្មណាឲ្យបានលទ្ធផលល្អ អ្នកត្រូវតាំងខ្លួនឯង ជាអតិថិជនជាមុនសិន។
- អ្នកត្រូវចំណាយពេលវេលា ធ្វើការងារណា ដែលធ្វើឲ្យខ្លួនឯងមានមោទនភាព ដើម្បីបង្ហាញគ្រួសារ និងមិត្តភ័ក្ដិអ្នកថា អ្នកអស្ចារ្យប៉ុណ្ណា។
- កុំភ័យខ្លាចឲ្យសោះ ក្នុងការប្រកួតប្រជែងជាមួយអ្នកដទៃ ហើយបើមានអ្វីអាក្រក់កើតឡើង អ្នកគួរផ្លាស់ប្ដូរវាបន្តិចបន្តួច រួចបញ្ហានឹងត្រូវបញ្ចប់។
- ត្រូវតែចេះចរចាគ្នា ព្រោះអី បច្ចុប្បន្នវាគឺជារឿងសាមញ្ញទៅហើយ ដែលគួរចេះវា។ ការចរចាគ្នាបានល្អ អ្នកអាចមានសមត្ថភាពច្រើន ក្នុងការដើរទៅមុខបានវែងឆ្ងាយ។
- ត្រូវចេះចែករំលែកការងារ ដោយកុំសម្រុកធ្វើការងារតែម្នាក់ឯងអី។ ការងារណាដែលស័ក្ដិសមទៅនឹងបុគ្គលិកអ្នក អ្នកគួរគប្បីបង្ហាញផ្លូវខ្លះដល់ពួកគេឲ្យធ្វើទៅ ដើម្បីឆាប់ទទួលបានលទ្ធផល៕
ប្រែសម្រួល៖ ព្រំ សុវណ្ណកណ្ណិកា
ប្រភព៖ lifehack
