លោកZig Ziglar៖« អ្នកមិនចាំបាច់រងចាំដល់អ្នកអស្ចារ្យដើម្បីចាប់ផ្តើមធ្វើអ្វីមួយទេ តែអ្នកត្រូវចាប់ផ្តើមធ្វើជាមនុស្សអស្ចារ្យ។»
« អ្នកមិនចាំបាច់រងចាំដល់អ្នកអស្ចារ្យដើម្បីចាប់ផ្តើមធ្វើអ្វីមួយទេ តែអ្នកត្រូវចាប់ផ្តើមធ្វើជាមនុស្សអស្ចារ្យ។» នេះជាពាក្យសម្ដីដ៏មានតម្លៃរបស់លោក Zig Ziglar។ មនុស្សជាច្រើនចង់ពូកែធ្វើអ្វីមួយឬចង់បានលទ្ធផលល្អៗ ហើយក៏គ្មាននរណាម្នាក់ចង់បានលទ្ធផលមធ្យមនោះទេ ប៉ុន្តែ មនុស្សជាច្រើនចូលចិត្តរងចាំដល់ពួកគាត់អស្ចារ្យទើបពួកគាត់ចាប់ផ្តើមធ្វើអ្វីមួយ។
អ្វីដែលគួរឲ្យចោទសួរគឺពេលណា ទើបពួកគេអស្ចារ្យទៅ? ឧទាហរណ៍ថា អ្នកខ្លះចង់ក្លាយជាសិស្សពូកែ ប៉ុន្តែពួកគាត់គិតថាដើម្បីក្លាយជាសិស្សពូកែបាន ពួកគាត់ត្រូវចេះអ្វីៗទាំងអស់ដែលគ្រូបង្រៀនសិន។ ចូរអ្នកចងចាំថា ប្រសិនជាអ្នកមិនចាប់ផ្តើមសកម្មភាព អ្នកនឹងមិនអាចសម្រេចអ្វីបានទាំងអស់។
ដូចឧទាហរណ៍ខាងលើ ដើម្បីក្លាយជាសិស្សពូកែបាន ពួកគាត់ត្រូវខិតខំរៀន រំលឹកមេរៀន ធ្វើកិច្ចការដែលគ្រូដាក់ឲ្យ អានសៀវភៅជាប្រចាំថ្ងៃដើម្បីបង្កើនចំណេះដឹងបន្ថែម។ល។ ពោលគឺត្រូវមានសកម្មភាពជាមុនសិន ហើយភាពអស្ចារ្យនឹងមកដល់ពេលក្រោយ៕
អត្ថបទដោយ៖ អឹុង មុយយូ
