ក្រុមហ៊ុន Meizu ថ្មីៗនេះ បានសម្ពោធចេញស្មាតហ្វូនថ្មីម្ដងពីរម៉ូដែលគឺ Meizu Pro 7 និង Pro 7 Plus ដែលទាំងពីរម៉ូដែលនេះ សុទ្ធតែបានភ្ជាប់មកជាមួយអេក្រង់ភ្លោះ dual display ដូចគ្នា។ អេក្រង់ទី២ នៃស្មាតហ្វូននេះ ត្រូវបំពាក់នៅខាងក្រោយទូរស័ព្ទ។
អេក្រង់ទី២ ដែលស្ថិតនៅខាងក្រោយ នៃ Meizu Pro 7 និង Pro 7 Plus អាចប្រើសម្រាប់បង្ហាញព័ត៌មានផ្សេងៗ អំពីអាកាសធាតុ (weather) សារជូនដំណឹង (notifications) តន្ត្រី (music) ម៉ោងពេល (time) និងជាច្រើនទៀត។ Pro 7 បង្ហាញខ្លួនជាមួយអេក្រង់ទំហំ ៥,២អ៊ីញកម្រិត Full HD 1920x1080px។ វាប្រើនូវឈីប Helio P25 និងមាន RAM 4GB អមដោយអង្គចងចាំ 64GB និងមានកម្លាំងថ្ម 3000mAh។
ងាកមកម៉ូដែល Meizu Pro 7 Plus វិញ គឺភ្ជាប់ដោយអេក្រង់ទំហំ ៥,៥អ៊ីញ Quad HD 2560x1440px។ វាប្រើបន្ទះឈីប Helio P30 មាន RAM 6GB និងអង្គចងចាំ 128GB ហើយកម្លាំងថ្ម 3500mAh។
ស្មាតហ្វូនទាំងពីរ ភ្ជាប់ដោយកាមេរ៉ាក្រោយភ្លោះទំហំ 12MP ទាំងពីរគ្រាប់ ដូចគ្នា ចំណែកខាងមុខមានទំហំ 16MP។ Pro 7 នឹងមានតម្លៃ ៤៣០ដុល្លារ ខណៈ Pro 7 Plus តម្លៃ ៥៣០ដុល្លារ នឹងមានលក់នៅលើទីផ្សារប្រទេសចិនចាប់ពីថ្ងៃទី៥ សីហាក្រោយនេះ៕
ប្រែសម្រួល៖ រឹទ្ទិរាជ
ប្រភព៖ Meizu, The Verge
