​ប្រសិន​អ្នក​កំពុង​ទាញ​យក​កម្មវិធី ឬ​វីដេអូ​រាប់​សិប​ជីហ្គាបាយ (GB) ដោយ​ប្រើ​កម្មវិធី uTorrent នោះ មិន​យូរ​ទេ នឹង​ជួប​បញ្ហា HDD អស់​ space ក្នុង​ការ​ផ្ទុក​ឯកសារ​ជា​បន្ត។ ចៃដន្យ ប្រសិន​ចំ​ពេល​ដែល​អ្នក​កំពុង Download ឯកសារ​សំខាន់ បាន​ពាក់​កណ្ដាល ហើយ​ស្រាប់​តែ​អស់ Sapce សម្រាប់​ផ្ទុក តើ​អ្នក​ត្រូវ​ធ្វើ​ដូចម្ដេច? មិន​ពិបាក​ទេ តាម​យោបល់​ភាគច្រើន គឺ​ច្បាស់​ជា ព្យាយាម​ឆែក​មើល Drive C: ថា តើ​មាន​ឯកសារ អ្វី​អាច​លុប ឬ move ចូល​ទៅ external ដើម្បី​ឱ្យ​កើន​ទំហំ​ផ្ទុក space ឡើង​វិញ ដើម្បី​បន្ត Download ឱ្យ​ចប់​បាន។ តែ​ទំព័រ​នេះ យើង​មិន​ប្រើ​វិធីសាស្ត្រ​នេះ​ទេ គឺ​ប្ដូរ​ទីតាំង Download ពី Drive C: ចូល​ទៅ Drive D: តែម្ដង។ ទុក Drive D: ទំនេរ​ចោល​ធ្វើ​អី មែន​ទេ !! ម្យ៉ាង​ទៀត អ្នក​ក៏​នឹង​លែង​អារម្មណ៍​ថា ឆាប់​អស់ Space HDD ទៀត​ដែរ ព្រោះ​តាម​ធម្មតា Drive មាន​ទំហំ​ធំៗ គឺ​ធំ​ជាង C សម្រាប់​ផ្ទុក Soft ដើម។ តោះ​មក​អនុវត្ត​ជាមួយ​យើង​ទាំង​អស់​គ្នា៖

១) អ្វី​ដែល​អ្នក​ត្រូវ​ធ្វើ​ដំបូង​គេ គឺ​បញ្ឈប់ (stop) ឯកសារ​ដែល​កំពុង download ក្នុង​កម្មវិធី utorrent ដើម្បី​ផ្ដាច់​ចេញ​ពី​ឯកសារ​កំពុង​ប្រើ (not being accessed) នោះ​ទើប យើង​អាច​ប្ដូរ (move) ទីតាំង​បាន ហើយ​ទីតាំង​ដែល​នឹង​ប្ដូរ អាច​ជា Drive D: ឬ E: ឬ Drive ណាមួយ​ដែល​នៅ​សល់​ទំហំ​ទំនេរ space ច្រើន។ ដើម្បី Stop គឺ​ត្រូវ​ចុច​ស្ដាំ mouse លើ​ឯកសារ​ដែល​អ្នក​ចង់​ផ្លាស់ប្ដូរ​ទីតាំង ហើយ​ចុច​លើ Stop។

២) ពេល​នេះ ឯកសារ torrent បាន​ត្រូវ​បញ្ឈប់​ការ​ទាញ​យក ដូច្នេះ​អ្នក​អាច​ផ្លាស់ប្ដូរ​ទីតាំង​សម្រាប់​ផ្ទុក​ឯកសារ download ពី torrent បាន​ហើយ។ ចុច​ស្ដាំ mouse ​លើ​ឯកសារ torrent ម្ដង​ទៀត >> ចុច​លើ Advanced ហើយ​ជ្រើស​យក Set Download Location។

៣) ផ្ទាំង​សារ​ថ្មី​មួយ​នឹង​លោត​ឡើង តម្រូវ​ឱ្យ​អ្នក​ជ្រើសរើស​ទីតាំង ដែល​ចង់​រក្សា​ទុក​ឯកសារ download ពី torrent នោះ។ ស្វែងរក​ទីតាំង​ដែល​ចង់​រក្សា​ទុក ឬ​អ្នក​អាច​បង្កើត​ថត​ឯកសារ (folder) ដើម្បី​ងាយស្រួល​សម្គាល់​នៅ​ពេល​ចង់​ស្វែងរក ក៏​បាន >> រួច​ហើយ​ចុច​លើ Select Folder។ ពេល​នេះ កម្មវិធី uTorrent នឹង​ធ្វើការ​ប្ដូរ (move) ឯកសារ​កំពុង​ទាញ​យក​នោះ ទៅ​ទីតាំង​ថ្មី​ដែល​បាន​កំណត់។ អ្នក​អាច​នឹង​ត្រូវ​រង់ចាំ​មួយ​ស្របក មុន​នឹង​ការ move ឯកសារ​បាន​ចប់​សព្វគ្រប់។ ៣) ឥឡូវ​នេះ ឯកសារ​របស់​អ្នក បាន​ស្ថិត​នៅ​ទីតាំង​ថ្មី ពោល​គឺ​នៅ​ក្នុង Drive ដែល​មាន Space គ្រប់គ្រាន់​ហើយ។ ចុងក្រោយ គ្រាន់តែ​ចុច​ស្ដាំ mouse លើ​ឯកសារ download ក្នុង​កម្មវិធី uTorrent ម្ដង​ទៀត រួច​ចុច​លើ​ពាក្យ Start ជា​ការ​ស្រេច។

សម្រាប់​កុំព្យូទ័រ Mac ដែល​ដំណើរការ​ដោយ OS X វិញ គឺ​ត្រូវ​ធ្វើ​តាម​ជំហាន​ស្រដៀង​គ្នា​នឹង Windows ខាង​លើ​ដែរ។ ដំបូង​ត្រូវ stop ឯកសារ​ដែល​កំពុង download ជា​មុន​សិន រួច​ហើយ​ចុច​ស្ដាំ mouse ​និង​ចុច​យក Advanced >> Set Download Location ...៕ ចុះ​ប្រិយមិត្ត នៅ​មាន​គន្លឹះ​អ្វី​ផ្សេង​ទៀត ពាក់ព័ន្ធ​នឹង​កម្មវិធី torrent ដែរ​ឬ​ទេ? ដោយ៖ រឺទ្ធិរាជ ប្រភព៖  online-tech-tips