ស្រោម iPhone ទំនើបអាចលុបបំបាត់ស្នាមឆ្កូតបានដោយស្វ័យប្រវត្តិត្រឹមតែ ២០វិនាទី (វីដេអូ)
បច្ចេកវិទ្យាអាចលុបបំបាត់ស្នាមឆ្កូតដោយខ្លួនឯង (self-healing) កំពុងត្រូវបានអភិវឌ្ឍ និងបំពាក់លើស្រោមទូរស័ព្ទទំនើបៗ បន្ទាប់ពីគេធ្លាប់ឃើញ ក្រុមហ៊ុន LG បានប្រើនៅលើស្មាតហ្វូនកោងរបស់ខ្លួនម៉ូដែល G Flex និង G Flex 2 កន្លងទៅ។ បណ្ដាក្រុមហ៊ុនផលិតឧបករណ៍បន្ថែម (accessory) កំពុងប្រើប្រាស់បច្ចេកវិទ្យានេះ បំបាក់ទៅលើផលិតផលរបស់ខ្លួន។ ជាក់ស្ដែងស្រោមទូរស័ព្ទពិសេសនេះ បានឆ្លងកាត់ការធ្វើតេស្តពីក្រុមហ៊ុន Just Mobile រួចមកហើយ ដែលវាមានសមត្ថភាពអាចលុបបំបាត់ស្នាមឆ្កូតដោយស្វ័យប្រវត្តិក្នុងរយៈពេលតែ ២០វិនាទី ហើយក៏មានលក់នៅលើទីផ្សារហើយដែរ។
https://youtu.be/BQSoDTINuOc
ជាទូទៅស្រោមទូរស័ព្ទគឺប្រើ សម្រាប់ការពារទូរស័ព្ទពីស្នាមឆ្កូតផ្សេងៗ ក៏ប៉ុន្តែស្រោមទូរស័ព្ទធម្មតាអាចនឹងរងសម្ពាធផ្សេងៗដូចគ្នា ដោយសារតែវាមាននាទីការពារទូរស័ព្ទផ្នែកខាងក្រៅ នាំឱ្យស្រោមឆាប់ចាស់។ ជាមួយស្រោមទូរស័ព្ទថ្មីនេះ នឹងផ្ដល់អារម្មណ៍ល្អជូនអ្នកប្រើ ដោយមិនត្រឹមតែអាចលុបបំបាត់ស្នាមឆ្កូតដោយស្វ័យប្រវត្តិ ផ្ដល់ភាពថ្មីបានយូរប៉ុណ្ណោះទេ តែថែមទាំងត្រូវបានឌីហ្សាញមានលក្ខណៈ សាមញ្ញ ស្ដើងស្អាត ងាយស្រួលដាក់តាមហោប៉ៅ។
