តើស្ថាបនិកក្រុមហ៊ុនផលិតផលិតផលដែលគេបោះចោលក្នុងធុងសំរាមរកលុយបាន ១,៧ពាន់លានដោយរបៀបណា?
ស្ថាបនិកក្រុមហ៊ុន Bai Brands លោក បិន វេស៍ (Ben Weiss)បានផលិតភេសជ្ជៈម្យ៉ាងដែលមានជាតិកាឡូរីទាប ជាតិស្ករតិច តែមានសារជាតិ antioxidant ខ្ពស់ ដែលចម្រាញ់ចេញពីសម្បកផ្លែកាហ្វេដែលគេតែងតែបោះចោល។ លោកត្រូវបានគេហទំព័រ INC ចុះផ្សាយពីប្រវត្តិ និងការខិតខំប្រឹងប្រែងរបស់លោកក្នុងវិថីអាជីវកម្មលើគំនិតច្នៃប្រឌិតពិសេសមួយ។ ក្រុមហ៊ុនរបស់លោកត្រូវបានសម្ពោធដាក់ឱ្យដំណើរការពីបន្ទប់ក្រោមដីនៅផ្ទះរបស់លោកក្នុងក្រុង Princeton រដ្ឋ New Jersey សហរដ្ឋអាមេរិក។ លោកវេស៍បានចំណាយពេលជាច្រើនឆ្នាំបង្ហាញគំរូផលិតផលទៅកាន់មនុស្សជាច្រើន ហើយលោកក៏បានផ្ដល់បទសម្ភាសន៍ឱ្យ Inc. 500 ក្នុងឆ្នាំ2015។ ឆ្នាំនេះ ក្រុមហ៊ុន Dr Pepper Snapple Group បានទិញក្រុមហ៊ុន Bai Brands ក្នុងតម្លៃ ១.៧ ពាន់លានដុល្លារ។ នេះបើតាមការបញ្ជាក់ពីស្ថាបនិកក្រុមហ៊ុន Bai Brands ប្រាប់អ្នកយកព័ត៌មានក្រុមហ៊ុន Inc។ «បើអ្នកមានធ្នើរទំនេរ ហើយអ្នកគិតថាអ្នកបង្កើតវានោះ អ្នកច្បាស់ជាយល់ច្រឡំហើយ។ ធ្នើរនោះ វាគ្រាន់តែជាកន្លែងផ្ទុកទំនិញតែប៉ុណ្ណោះ។ អ្វីដែលត្រូវធ្វើនោះ គឺត្រូវយកធ្នើរចេញហើយយកទៅដាក់ក្នុងដៃរបស់អតិថិជន»។
លោក Ben Weiss ប្រភព៖ http://www.njbiz.comក្នុងឆ្នាំ២០១០ យើងបានសម្គាល់ថាអតិថិជនជាច្រើនកំពុងតែព្រួយបារម្ភពីបរិមាណជាតិស្ករនៅក្នុងដបភេសជ្ជៈរបស់ពួកគេ។ នេះជាដែលធ្វើឱ្យក្រុមហ៊ុន Bai Brands មានការលូតលាស់ខ្លាំងឡើងនៅក្នុងទឹកដីនៃសហរដ្ឋអាមេរិក។ ស្ថាបនិកក្រុមហ៊ុនខាងលើបានចំណាយពេល ៥ឆ្នាំដើម្បីបង្ហាញគំរូផលិតផល និងប្រាប់អតិថិជនអំពីអត្ថប្រយោជន៍នៃសម្បកខាងក្រៅរបស់ផ្លែកាហ្វេ ហើយពន្យល់ពីផលប្រយោជន៍នៃផលិតផលរបស់ក្រុមហ៊ុន Bai Brands ដែលផ្ទុកសារជាតិផ្ដល់ថាមពលតែ 5កាឡូរី និងស្ករតែមួយក្រាមប៉ុណ្ណោះ។ អ្វីដែលលោកបានអះអាង គឺមិនមែនជាអ្វីដែលអស្ចារ្យណាស់ណាទេ តែវាពិតជាធ្វើបានល្អមែនដោយគ្មានប្រភេទភេសជ្ជៈណាអាចធ្វើការអះអាងបានដូចផលិតផលរបស់លោកឡើយ។ បើតាមការអះអាងពីលោក Ben Weiss លោកគិតថា ៖«ពេលដែលយើងស្ថិតនៅក្នុងសង្វាក់ផលិតកម្មភេសជ្ជៈកាន់តែយូរ យើងកាន់តែដឹងយ៉ាងច្បាស់អំពីចង្វាក់នៃឧស្សាហកម្មចែកចាយ។ ក្នុងឆ្នាំ២០១៤ យើងបានចុះកិច្ចព្រមព្រៀងចែកចាយក្នុងស្រុកជាមួយក្រុមហ៊ុន ដុកទ័រ ភីផ័រ ស្មែនផល គ្រុប (DPSG)។ ប្រាំមួយខែក្រោយមក DPSGបានធ្វើការវិនិយោគជាទឹកប្រាក់ចំនួន15លានដុល្លារដល់យើង»។ លោកមានបំណងពង្រីកសក្ដានុពលម៉ាកសញ្ញា ហើយចំពោះលោក Ben Weiss គឺមិនចង់មានផលិតផលផ្សេងទៀតទេក្នុងក្រុមហ៊ុន តែត្រូវមានផលិតផលមួយដែលមានសក្ដានុពល។ វាពិតជាពេលដែលពិបាកសម្រេចចិត្តមែនទែន ចំពោះលោក Ben Weiss នៅពេលលោកចាប់ផ្ដើមមានគំនិតធ្វើគម្រោងនេះឡើង។ លោកថែមទាំងបានពិភាក្សា ជាមួយក្រុមហ៊ុន ជេ ភី ម៉ូហ្គេន ដែលផ្ដល់លុយវិនិយោគដល់ក្រុមហ៊ុនលោក 50លានដុល្លារកាលពីប៉ុន្មានឆ្នាំមុន។ លោកបញ្ជាក់ដូច្នេះថា ៖«យើងចង់ផ្លាស់ប្ដូរឧស្សាហកម្មនេះទៅជាមួយក្រុមហ៊ុនដែលជាចក្ខុវិស័យរបស់យើង។ ជាចុងក្រោយ DPSG បាននិយាយថា គេចង់ទៅកន្លែងដែលយើងទៅ ហើយគេចង់ក្លាយជាផ្នែកមួយនៃដំណោះស្រាយដែរ៖ ដើម្បីជួយដល់ឧស្សាហកម្មមួយនេះបញ្ឈប់ការប្រើប្រាស់ជាតិស្ករនិងសារជាតិដែលធ្វើឱ្យផ្អែមផ្សេងៗ។ នេះហើយគឺជាមូលដ្ឋានគ្រឹះដ៏រឹងមាំរវាងទំនាក់ទំនងរបស់យើងជាមួយ DPSG»។ ផលិតផលរបស់ Bai Brands បានឈរនៅលើមូលដ្ឋានគ្រឹះសំខាន់ៗជាច្រើន។ នេះជាឆ្នាំដំបូងហើយដែលភេសជ្ជៈរបស់ក្រុមហ៊ុននេះលក់ដាច់ជាងទឹកសូដាផ្សេងៗទៀត។ ដប់ឆ្នាំទៅមុខទៀត ផលិតផលភេសជ្ជៈនឹងមានការផ្លាស់ប្ដូរយ៉ាងច្រើនសន្ធឹក ហើយផលិតផលបៃនឹងក្លាយជាផ្នែកមួយដ៏ធំក្នុងការផ្លាស់ប្ដូរនេះ។ លោក បិន វេស៍បានចាកចេញពីបៃនៅថ្ងៃទី22 ខែមិថុនាកន្លងទៅ ដោយជំនួយមកវិញដោយលោក លាន ហែនខុក អនុប្រធានប្រតិបត្តិផ្នែកធនធានមនុស្សនៅដុកទ័រ ភីបផឺ ស្នែបផល គ្រុប។ លោកបិន វេស៍មិនបានបញ្ជាក់ពីការចាកចេញរបស់លោកទេ។ តែក្នុងសន្និសីទសារព័ត៌មានមួយ បិន វេស៍បាននិយាយថា ៖ “នេះគឺជាចំណុចបញ្ចប់នៃដំណើរដ៏អស្ចារ្យរបស់ខ្ញុំនិងក្រុមគ្រួសាររបស់ខ្ញុំ។ អ្វីដែលយើងបានធ្វើគឺធ្វើអោយបៃក្លាយជាប្រវត្តិសាស្តហើយ។ ខ្ញុំមិនអាចមោទនភាពជ្រុលពេកទេទៅលើអ្នកដែលមិនជឿនោះទេ ដោយខ្ញុំធ្វើការយ៉ាងស្អិតល្មួតជាមួយនិងបៃដែលកំពុងលូតលាស់ក្លាយជាឧស្សាហកម្មភេសជ្ជៈឈានមុខគេ។ ម៉ាកសញ្ញាដ៏អស្ចារ្យនេះទទួលបានអតិថិជនរាប់លាននាក់ ហើយខ្ញុំជឿទៅលើអនាគតរបស់បៃ»៕
ដោយ៖ ឡុង វណ្ណៈ
