ផ្លូវទាំង៤នេះ នឹងនាំឲ្យអ្នកក្លាយជា«មេដឹកនាំផ្នែកអាជីវកម្ម»ឈានមុខគេ!
តើ អ្នកដឹកនាំផ្នែក អាជីវកម្មដ៏ឈានមុខគេគួរធ្វើអ្វីខ្លះ? ភាពជាអ្នកដឹកនាំគឺអាច បង្កើតក្រុមហ៊ុន ហើយក៏អាចបំបែកក្រុមហ៊ុនបានដែរ ក្នុងពេលតែមួយ។ ហេតុនេះទើបអត្ថបទខាងក្រោម ចង់បង្ហាញអ្នកពីផ្លូវ ដែលអាចនាំអ្នកក្លាយជាមេដឹកនាំ អាជីវកម្មឈានមុខគេបាន។
១) ធ្វើការជាមួយក្រុមរបស់អ្នក មិនមែនគ្របដណ្ដប់លើពួកគេទេ៖ អ្នកដឹកនាំល្អជាងគេគឺតែងតែចូលរួមជាមួយក្រុមរបស់ខ្លួន ទោះមិនបានច្រើន ក៏បានយូរៗម្ដងដែរ។ ដើម្បីកាន់តែយល់ច្បាស់ពីមនុស្សដែលអ្នកកំពុងតែដឹកនាំ និងដឹងថាតើត្រូវដឹកនាំគេដោយរបៀបណានោះ អ្នកត្រូវតែធ្វើការដែលគេកំពុងតែធ្វើ។
២) ដាក់ខ្លួន និងសុភាព៖ គ្មានអ្នកណាចង់ធ្វើការជាមួយមនុស្សដែលគិតតែពីខ្លួនឯង និងមានអំនួតជ្រុលពេកទេ។ អ្នកដឹកនាំល្អគឺមិនដែលគិតថាខ្លួនឯងអស្ចារ្យពេកទេ ពេលដែលគេមានកំហុសគេនឹងទទួលស្គាល់កំហុស ដោយមិនក្លែងបន្លំ។
៣) ត្រូវយល់ថាគ្មានអ្នកណាល្អឥតខ្ចោះទេ៖ អ្នកដឹកនាំល្អ គឺដឹកនាំក្រុមទៅរកចំណុចល្អដែលគេអាចធ្វើទៅបាន។ អ្នកដឹកនាំល្អ គឺយល់ថា គ្មានអ្នកណាល្អឥតខ្ចោះទេ ប៉ុន្តែធ្វើយ៉ាងណាឲ្យអស់ពីសមត្ថភាពដែលខ្លួនមានទៅបានហើយ។
៤) អាចជំរុញទឹកចិត្តគេឯងបាន៖ ហេតុអ្វីមនុស្សគ្រប់រូបគួរដើរតាមសម្ដីរបស់អ្នក? នេះដោយសារតែពួកគេជឿលើសមត្ថភាពនិងចក្ខុវិស័យរបស់អ្នក។ ហេតុនេះដើម្បីក្លាយជាអ្នកដឹកនាំដែលគេដើរតាមបាននោះ អ្នកត្រូវតែជាមនុស្សមានចក្ខុវិស័យត្រឹមត្រូវ បន្ទាប់មកពន្យល់ពួកគេថា ត្រូវដើរតាមផ្លូវណា ហើយចាំជំរុញលើកទឹកចិត្តពួកគេឲ្យធ្វើឲ្យបានសម្រេច៕
ប្រែសម្រួល៖ ព្រំ សុវណ្ណកណ្ណិកា ប្រភព៖ entrepreneur.com
