ក្រុមហ៊ុន Facebook ពេលនេះ កំពុងត្រៀមដាក់ចេញមុខងារថ្មីពិសេស សម្រាប់ប្រើប្រាស់បាននៅលើកម្មវិធីហ្វេសប៊ុកលើទូរស័ព្ទ (mobile app) ដែលនឹងជួយអ្នក ក្នុងការស្វែងរកកន្លែងនៅជិតៗ ដែលមានហ្វ្រី Wi-Fi ដល់អ្នកប្រើ គ្រប់ទីកន្លែងនៅជុំវិញពិភពលោក។
ព័ត៌មាននេះ ត្រូវបានលើកឡើងក្រោយពី ក្រុមហ៊ុន Facebook បានធ្វើតេស្តមុខងារ Fine Wi-Fi របស់ខ្លួន តាំងពីខែវិច្ឆិកា ឆ្នាំ២០១៦ ម្ល៉េះ ហើយពេលនេះ វាបានលេចរូបរាងជាផ្លូវការហើយនៅលើកម្មវិធី Facebook លើស្មាតហ្វូន។ អ្នកប្រើនឹងឃើញផ្នែកថ្មីមួយ គឺ Find Wi-Fi នៅក្នុងតាប More ឬ 'More' tab។
អ្នកប្រហែល នឹងទទួលបានការបញ្ជាក់ឱ្យបើកដំណើរការមុខងារនេះ ជាលើកដំបូងនៅពេលវាអាចដំណើរការលើគណនី និងនៅលើកម្មវិធីស្មាតហ្វូនរបស់អ្នក។ នៅពេលបានបើកប្រើ អ្នកនឹងអាចមើលឃើញបញ្ជី Wi-Fi hotspots សាធារណៈដែលនៅក្បែរអ្នកបំផុត ឬអាចស្វែងរកបានតាមផែនទី។
មុខងារ Fine WiFi គឺមានអត្ថប្រយោជន៍សម្រាប់អ្នកប្រើ ក្នុងសម័យទីផ្សារប្រកួតប្រជែងបច្ចេកវិទ្យាថ្មីៗបច្ចុប្បន្ន ហើយវា នឹងអាចសន្សំសំចៃការប្រើទិន្នន័យអ៊ីនធឺណិតពីការលេងអ៊ីនធឺណិតតាមស៊ីមបានខ្លួនព្រោះវាជាមុខងារ ងាយស្រួលស្វែងរក Wi-Fi ដែលនៅក្បែរៗអ្នកបំផុត។ មុខងារថ្មីនេះ កំពុងត្រូវបានដាក់ឱ្យប្រើប្រាស់នៅលើ iPhone និង Android។ តែអ្នកត្រូវដឹងដែរថា កាលណាអ្នកបើកមុខងារ Find WiFi នេះ នោះរបាយការណ៍អំពីប្រវត្តិទីតាំងលើ Facebook (Location History) របស់អ្នក ក៏ដំណើរការដែរ ដែល Facebook អាចប្រើទិន្នន័យទាំងនេះ ក្នុងការលក់ការផ្សាយពាណិជ្ជកម្មចំគោលដៅអតិថិជន៕
ប្រែសម្រួល៖ រឹទ្ធិរាជ
ប្រភព៖ techspot
