សំណួរដែលគួរសួរខ្លួនឯងជាចាំបាច់ ពេលអ្នកចង់បើកអាជីវកម្មមួយ
តាមពិតទៅ បើមានតែគំនិតរកស៊ីមួយមុខគឺវាមិនគ្រប់គ្រាន់ឡើយ សម្រាប់អ្នកដែលចង់បើកការ រកស៊ីនោះ។ អ្នក គប្បីឆ្លាត ហើយគួររៀបចំផែនការ ទុកជាមុនច្រើនខ្លាំងណាស់។ តើមាន អ្វីខ្លះដែលអ្នកគួរត្រៀមទុកជាមុន ពេលចង់បើកអាជីវកម្មមួយ?
១) តើអ្នកមានគម្រោងអាជីវកម្មដែលថ្មីជានិច្ច៖ ជាការពិតណាស់ គម្រោងអាជីវកម្មគឺពិតជា សំខាន់ ជាពិសេសពេលអ្នក ចង់ស្នើសុំ សិទ្ធិ និងស្នើសុំថវិកាជាដើម។ ដូចនេះហើយត្រូវ ផ្ដោតសំខាន់ឲ្យមែនទែនចំពោះ គម្រោងអាជីវកម្មអ្នក។
២) តើអ្នកមានគម្រោងហិរញ្ញវត្ថុសម្រាប់ ៣ឬ៥ឆ្នាំខាងមុខទេ៖ វាពិតជាសំខាន់ណាស់ដែលម្ចាស់អាជីវកម្មទាំងឡាយគួរមានគម្រោងហិរញ្ញវត្ថុសម្រាប់ក្រុមហ៊ុន ចាប់ពី៣ឬ៥ឆ្នាំទៅខាងមុខ ព្រោះថា វាមានភាពងាយស្រួលដល់អ្នក ក្នុងការបណ្ដាក់ទុនជាមួយគេ ព្រមទាំងចង់ឲ្យគេមកបណ្ដាក់ទុនជាមួយវិញ។
៣) តើអ្នកច្បាស់ឬនៅថា តើអ្នកនឹងយកលុយទៅធ្វើអ្វីខ្លះ៖ តើក្រុមហ៊ុនអ្នកនឹងទៅជាយ៉ាងណា ប្រសិនបើ ចងបានលុយ ១០០លានដុល្លារ តែមិនដឹងថាយកទៅទិញអ្វីឲ្យប្រាកដនោះ? តាមពិតទៅក្រុមហ៊ុនជោគជ័យជាច្រើន តែងមានកញ្ចប់ថវិកាត្រឹមត្រូវ ហើយពួកគេបង្ហាញច្បាស់ណាស់ ថាត្រូវយកលុយទៅណា ដើម្បីអ្វី និងតើក្រុមហ៊ុននឹងទទួលបានអ្វីមកវិញ ពេលយកលុយចេញហើយនោះ?
ប្រែសម្រួល៖ ព្រំ សុវណ្ណកណ្ណិកា ប្រភព៖ asianentrepreneur
