បើអ្នកហ៊ុមព័ទ្ធដោយបំណុលច្រើនពេក តើគួរអនុវត្តវិធីអ្វីទើបឆាប់សងគេអស់?
តាមពិតទៅ គ្មាន នរណាម្នាក់ចង់នៅជំពាក់លុយគេ សងមិនអស់បែបនេះទេ? តែនេះមកពីអ្នកមិនចេះពីរបៀបចាត់ចែងលុយដើម្បីមកសងគេ។ បើអ្នកមានគម្រោងច្បាស់លាស់ ថាត្រូវរកលុយ និងគ្រប់គ្រងលុយមកសងគេរបៀបម៉េចនោះ បំណុលទាំងឡាយនឹងមិនធ្វើឲ្យអ្នកឈឺក្បាលទៀតឡើយ។ ខាងក្រោមជាវិធីអ្នកគួរសាកល្បង អនុវត្ត៖
១) លៃលកការចំណាយរបស់អ្នក៖ នេះគឺសំដៅលើការគ្រប់គ្រងខ្លួនឯង។ តើរាល់ថ្ងៃអ្នកអាចគ្រប់គ្រងខ្លួនឯងកុំឲ្យចាយច្រើនដល់ថ្នាក់ណាខ្លះ? បើអ្នកចំណាយធ្វើមើលតែគ្មានជំពាក់អ្នកណាសោះនោះ លុយដែលទុកសងគេគេប្រហែលជាមិនគ្រប់គ្រាន់ឡើយ។ ដូចនេះបំណុលនឹងកាន់តែយូរទៅ ៗ ហើយការប្រាក់កាន់តែច្រើនទៅៗ ។ ហេតុនេះ បើសិនជាមិនចាំបាច់ អ្នកគួរតែកាត់បន្ថយការចំណាយលើអ្វីអត់ប្រយោជន៍ឲ្យបានកាន់តែច្រើនកាន់តែល្អ។
២) លក់របស់របរណាដែលអ្នកមិនត្រូវការ៖ អ្នកអាចក្រឡេកមើលអ្វីៗ នៅក្នុងផ្ទះអ្ន ដែលវាហាក់ដូចជាធំ ចង្អៀត ហើយមិនសូវជាសំខាន់ រួចយកវាទៅលក់។ ពេលខ្លះវាអាចជួយបណ្ដោះទុក្ខអ្នកដើម្បីឆាប់សងគេឲ្យអស់ផងដែរ។
៣) បង្កើនប្រាក់ចំណូលឲ្យលើសមុន៖ បើអ្នកអាចសន្សំលុយបានច្រើន ហើយកាត់ការចំណាយឲ្យតិច អ្នកត្រូវងាកមកបង្កើនប្រាក់ចំណូលឲ្យច្រើនវិញ។ តើអ្នកអាចចាប់អារម្មណ៍ការងារថ្មីណាដែលមានប្រាក់ខែខ្ពស់ទេ? តើអ្នកអាចធ្វើការងារ២បានទេ?
ប្រែសម្រួល៖ ព្រំ សុវណ្ណកណ្ណិកា
ប្រភព៖ clark
