បើហ៊ានតែបង្កើតកំហុសទាំងនេះ អ្នកនឹងស្ដាយក្រោយ១០ឆ្នាំទៅមុខទៀតមិនខាន!
កុំព្យាយាមធ្វើអ្វីមួយថ្ងៃនេះ ហើយនាំឲ្យសោកស្ដាយថ្ងៃស្អែកអី ដូចនេះត្រូវគិតមុននឹងធ្វើ។ តែតាមពិតទៅ គ្មានអ្នកណាដែលអាចគេចផុតពីកំហុសបានឡើយ តែអ្នកក៏ត្រូវចេះរៀនពីវាដែរ។ ហើយត្រូវដឹងថាតើកំហុសណាខ្លះដែលអ្នកមិនគួរបង្កើតឡើង? ក្នុងនោះមាន៖
១) តែងតែខ្លាចក្នុងការសាកល្បង៖ តាមពិតទៅ អ្នកនឹងគ្មានថ្ងៃឃើញភាពជោគជ័យទេ បើសិនអ្នកនៅតែខ្លាចក្នុងការសាកល្បងអ្វីមួយនោះ។ មិនថាអ្នកមានជីវិតងាយស្រួលកម្រិតណាឡើយ ទៅថ្ងៃមុខ ឬក៏១០ឆ្នាំទៅមុខទៀត អ្នកនឹងសោកស្ដាយដោយសារមិនបានសាកល្បងវា។ បើអ្នកសាកល្បង អ្នកនឹងមិនអាចឆ្ងល់ទៀតឡើយ ព្រោះអីអ្នកបានដឹងរួចទៅហើយ។
២) ឆាប់បោះបង់ចោល៖ ពេលការងារអ្វីមួយវាពិបាកខ្លាំងសម្រាប់អ្នក ជម្រើសដែលគួរឲ្យខ្លាចបំផុតគឺ «ការបោះបង់ចោល»។ ពេលខ្លះទោះបីរឿងទាំងនោះ វាមិនអាចទៅរួចសម្រាប់អ្នកក្ដី តែយ៉ាងហោចណាស់ អ្នកក៏មិនស្ដាយក្រោយដែរ ព្រោះអីអ្នកបានចំណាយភាពខ្លាំងទាំងអស់របស់អ្នកមកធ្វើវា។ តែបើឆាប់បោះបង់ចោលយ៉ាងនេះ វាជាកំហុសធ្ងន់ទៅ១០ឆ្នាំខាងមុខ។
៣) មិនដែលរៀនសូត្រពីកំហុស៖ បើសិនជាអ្នកមិនដែលសប្បាយចិត្តពីអ្វីដែលអ្នកបានធ្វើ នេះមកពីអ្នកមិនដែលរៀនពីកំហុសអតីតកាល។ ពេលខ្លះ ការកែប្រែកំហុស វាពិបាកមែន តែបើអាចកែបានគឺវាល្អបំផុត។ ពេលណាអ្នកកែប្រែកំហុស អ្នកនឹងកាន់តែអាចគ្រប់គ្រងជីវិតអ្នកបានល្អនៅពេលអនាគត។ អ្នកគឺជាមនុស្សតែម្នាក់គត់ដែលអាច កម្ទេចបញ្ហាជីវិតអ្នកបាន៕
ប្រែសម្រួល៖ ព្រំ សុវណ្ណកណ្ណិកា ប្រភព៖ powerofpositivity
