​YouTube ទំនើប​ដើរ​តាម​គន្លង របស់​ Facebook ដែល​បាន​ធ្វើ​ការ​ណែនាំ​កាលពី​សប្ដាហ៍​មុន អំពី​របៀប​ចាប់​មាតិកា​ពាក់ព័ន្ធ​ភេរវកម្ម។ ថ្មីៗ​នេះ YouTube បាន​ប្រកាស​ចេញ​អំពី​របៀប ក្នុង​ការ​ចាប់​អាសយដ្ឋាន (address) ទៅ​នឹង​បញ្ហា​ដូច​គ្នា។ អនុ​ប្រធាន​ជាន់​ខ្ពស់​ និង​ជា​អ្នក​មាន​យោបល់​សម្រាប់​ក្រុមហ៊ុន Google ​លោក Kent ​Walker ​បាន​ឱ្យ​ដឹង ពី​របៀប​វាស់​ស្ទង់ និង​ចាប់​ជាប់​នូវ​មាតិកា​ទាំងឡាយ​ទាក់ទង​អំពើ​ភេរវកម្ម គឺ​មាន ៤ជំហាន ​ហើយ​បន្ទាប់​ពី​រក​ឃើញ ​មាតិកា​ពិត​ជា​ពាក់ព័ន្ធ​អំពី​ភេរវកម្ម ឬ​សកម្មភាព​អំពើ​ហិង្សា​មែន​នោះ ក្រុមហ៊ុន​នឹង​ដក​ចេញ​ភ្លាម។ ​លោក Walker បាន​លើកឡើង​ថា ខណៈ​ពេល​យើង និង​ក្រុមហ៊ុន​ដទៃ បាន​ធ្វើ​ការ​អស់​រយៈពេល​ច្រើន​ឆ្នាំ ដើម្បី​ស្វែងរក និង​លុប​មាតិកា​ដែល​ខុស​គោលការណ៍​របស់​ខ្លួន ដោយ​ឆ្លុះ​បញ្ចាំង​នូវ​សកម្មភាព​នៃ​អំពើ​ហិង្សា ប្រសិន​រក​ឃើញ​ថា​មាន នោះ​ក្រុមហ៊ុន​នឹង​ធ្វើការ​ដក​ចេញ​ពី​សេវា​របស់​ខ្លួន​ភ្លាម។ វា​ដូច​ទៅ​នឹង​មុខងារ​នៅ​លើ Facebook ដែរ គឺ Google បាន​បង្កើន​បច្ចេកទេស​របស់​ខ្លួន ដើម្បី​ជួយ​ដល់​ការ​កំណត់​រក​មាតិកា​ដែល​មាន​ជាប់​ទាក់ទង​នឹង​អំពើ​ភេរវកម្ម។ ខណៈ​ដែល AI ​បាន​ធ្វើការ​កំណត់​រក​ឃើញ វីដេអូ​ប្រមាណ ៥០% ​ត្រូវ​បាន​លុប​ចេញ​កាលពី​ ៦ខែ​មុន ហើយ Google ក៏​នឹង​ដាក់​ចេញ​ប្រភព​វិស្វកម្ម​ទំនើប ធ្វើ​ឱ្យ​ការ​ស្វែងរក​ម៉ាស៊ីន learning ​ដំណើរការ អាច​កំណត់​រក និង​លុប​ចោល​អ្វី​ដែល​ជា​សម្ភារៈ​ជ្រុលនិយម​បង្កើត​ចេញ​រូបភាព​ហិង្សា​រវាង​គ្នា។ ​ប្រែ​សម្រួល៖ រឹទ្ធិរាជ ប្រភព៖ techspot