តើសម្គាល់លើសញ្ញាអ្វីដើម្បីស្គាល់«មិត្តភ័ក្ដិពិត» ខណៈពិភពលោកនេះសំបូរដោយមនុស្សមុខ២?
មិត្តភ័ក្ដិក៏ជាមនុស្សដែលសំខាន់ក្នុងជីវិតរបស់អ្នក ដែរ។ បើអ្នករកមនុស្សត្រូវ វានាំរឿងល្អមកអ្នក តែបើរើសខុសចំមនុស្សមុខ២វិញ អ្នក នឹងជួបបញ្ហា។ ខាងក្រោមនេះនឹងបង្រៀនអ្នកដើម្បីដឹងថាតើមិត្តភ័ក្ដិរបស់អ្នក រាល់ថ្ងៃពិតឬក៏មិនពិត៖
១) មិត្តដែលចង់ឲ្យអ្នករីកចម្រើន៖ តើមានមនុស្សច្រើនទេ ដែលរំពឹងចង់ឃើញការជោគជ័យរបស់អ្នក? តើមានមនុស្សច្រើនដែរទេ ដែលពួកគេតែងតែបន់ស្រន់ចង់ឲ្យអ្នកល្អពីមួយថ្ងៃទៅមួយថ្ងៃ? ជឿថាមិនមានច្រើនឡើយ។ ហេតុនេះបើអ្នកមានមិត្តបែបនេះ ប្រាកដណាស់គេគឺជាមិត្តពិតហើយ។
២) នៅជាមួយអ្នកមិនថាពិបាកឬស្រួល៖ មិត្តភ័ក្ដិពិតនឹងមិនរត់ចោលគ្នាដោយសារតែស្ថានភាពពិបាកនោះទេ។ ពួកគេតែងតែនៅជាប់នឹងអ្នក ហើយចាំជួយអ្នកនៅក្នុងភព ងងឹតនោះ។ មិត្តពិតគឺតែងតែយំជាំ មួយអ្នករាល់ពេលលំបាក ហើយសើចជាមួយអ្នករាល់ពេលជោគជ័យ។
៣) មិនស្ទាក់ស្ទើរជួយអ្នក៖ មិត្តពិតគឺមិនអាចឲ្យអ្នកឆ្លងកាត់ពេលវាលំបាកតែឯងនោះទេ។ ពួកគេតែងតែបោះខ្សែជំនួយសម្រាប់អ្នកដើម្បីស្រោចស្រង់អ្នក។ មិត្ត ពិតគឹមិនដាច់ចិត្តចាកចេញពេលឃើញអ្នកលំបាកឡើយ។
៤) ចំណាយពេលសម្រាប់អ្នក៖ មិត្តពិតគឺមិនដែលនិយាយថាគ្មានពេលជាមួយអ្នកទេ។ មិនថាអ្នករវល់កម្រិតណា គេតែងតែពលីដើម្បីអ្នក។ វាមិនមែនមកពីការខ្លាចចិត្តអ្នកនោះទេ តែគេឲ្យតម្លៃលើមិត្តភាពជាង៕
ប្រែសម្រួល៖ ព្រំ សុវណ្ណកណ្ណិកា ប្រភព៖ powerofpositivity
