ZTE Nubia Z17 អាចជាទូរស័ព្ទស៊េរីខ្ពស់ សមត្ថភាពខ្លាំង ដែលត្រូវបានក្រុមហ៊ុន ZTE ជ្រើសរើសតួល្បីមកកាន់ផ្សព្វផ្សាយដោយកីឡាករបាល់ទាត់ល្បីឈ្មោះ Cristiano Ronaldo។ Nubia Z17 ជាស្មាតហ្វូនទំនើប ដែលភ្ជាប់មុខងារសាកថ្មឆាប់ពេញជំនាន់ចុងក្រោយ Quick Charge 4+ ដំបូងគេ និងមាន RAM ធំ រហូតដល់ 8GB។ ខាងក្រោមនេះ ជាលក្ខណសម្បត្តិនៅលើ Nubia Z17៖
-អេក្រង់ទំហំ ៥,៥អ៊ីញ កម្រិត 1080p
-បំពាក់អង្គប្រតិបត្តិ Snapdragon 835
-RAM ទំហំ 8GB និងមេម៉ូរីទំហំ 128GB
-កាមេរ៉ាក្រោយភ្លោះ ទំហំ 23MP + 12MP ហើយកាមេរ៉ាមុខទំហំ 16MP
-ប្រព័ន្ធប្រតិបត្តិការ Android 7.1.1 Nougat
-កម្លាំងថ្ម 3200mAh និងមាន Quick Charge 4+
Nubia Z17 ជាទូរស័ព្ទទី២ ហើយរបស់ក្រុមហ៊ុន ZTE ដែលភ្ជាប់ RAM 8GB ហើយគាំទ្រមុខងារ Quick Charge 4+ របស់ Qualcomm ដែលអាចសាកថ្មបាន ៥០% ចំណាយពេលតែ ២៥នាទីប៉ុណ្ណោះ។ វាក៏ជាទូរស័ព្ទទី២ ដែលត្រូវបានបំពាក់ឈីប Snapdragon 835 បន្ទាប់ពី Mi 6 របស់ Xiaomi។
Nubia Z17 ក៏ជាស្មាតហ្វូនមិនចូលទឹក គាំទ្រ Dolby Atmos និងមានមុខងារ IR Blaster ហើយវានឹងមានលក់ក្នុងជម្រើសពណ៌ចំនួន៥ គឺពណ៌ខៀវ ខ្មៅ មាស ក្រហម និងខ្មៅលាយមាស។ ស្មាតហ្វូន RAM យក្សរបស់ ZTE ពេលនេះមានលក់តែនៅលើទីផ្សារចិន ក្នុងតម្លៃចាប់ពី ៤១១ដុល្លារ សម្រាប់ម៉ូដែលមាន RAM 6GB អមដោយមេម៉ូរីទំហំ 64GB និងតម្លៃ ៥៨៣ដុល្លារ សម្រាប់ម៉ូដែលមាន RAM 8GB អមដោយមេម៉ូរី 128GB៕
ប្រែសម្រួល៖ រឹទ្ធិរាជ
ប្រភព៖ theverge
