អានគំនិតសំខាន់ៗទាំងនេះ ប្រសិនបើលោកអ្នកស្ទាក់ស្ទើរចំពោះក្ដីសុបិនរបស់ខ្លួន
ថ្ងៃនេះគេហទំព័រBizkhmer យើងខ្ញុំនឹងបង្ហាញជូននូវសម្រង់គតិសំខាន់ៗស្ដីអំពីក្ដីសុបិន ដើម្បីជាពន្លឺខ្លះៗសម្រាប់លោកអ្នកដែល កំពុងស្ទាក់ស្ទើរថាតើគួរដើរតាមក្ដីសុបិនរបស់ខ្លួន ឬ យ៉ាងណា។ សូមអានគំនិតសំខាន់ៗទាំងនេះដូចតទៅ៖
១) «សុបិនមិនអាចក្លាយជាការពិត ដោយប្រើវេទមន្តនោះទេ។ វាត្រូវតែឆ្លងកាត់តាមរយៈការបង្ហូរញើស ការតាំងចិត្ត និង ការខិតខំយ៉ាងមុតមាំ»។ ដោយលោក Colin Powell អតីតមន្ត្រីយោធាជាន់ខ្ពស់របស់អាមេរិក។
២) «ត្រូវដើរតាមការពេញចិត្តរបស់ខ្លួនឯង ហើយត្រូវត្រៀមខ្លួនឲ្យបានល្អបំផុតដើម្បី ធ្វើការឲ្យខ្លាំង និង លះបង់ ហើយកុំបណ្ដោយឲ្យនរណាម្នាក់មករឹតត្បិតក្តីសុបិនរបស់អ្នកឲ្យសោះ»។ ដោយ លោក Donovan Bailey អតីតកីឡាកររត់ប្រណាំងរបស់កាណាដា។
៣) «ឥរិយាបថវិជ្ជមាន នឹងពិតជាអាចជួយឲ្យសុបិនរបស់អ្នកក្លាយជាការពិត»។ ដោយលោក David Bailey អ្នកជំនាញផ្នែកថតរូបរបស់អង់គ្លេស។
៤) «ត្រូវដើរតាមក្តីសុបិនរបស់អ្នក ត្រូវជឿជាក់លើវាហើយកុំបោះបង់ឲ្យសោះ»។ ដោយ លោក Rachel Corrie អតីតសកម្មជនសិទ្ធិមនុស្សដ៏ល្បីរបស់អាមេរិក។
៥) «រាល់ក្ដីសុបិនទាំងអស់អាចក្លាយជាការពិត ប្រសិនបើអ្នកមានភាពក្លាហានក្នុងការបន្តក្តីសុបិននោះរហូតបានសម្រេច»។ ដោយលោក Walt Disney អតីតអ្នកជំនាញផ្នែកគំនូរជីវចលរបស់អាមេរិក។
៦) «អនាគត វានឹងជាកម្មសិទ្ធិរបស់មនុស្សទាំងឡាយណា ដែលជឿជាក់ទៅលើសម្រស់នៃក្តីសុបិនរបស់ខ្លួន»។ ដោយលោកស្រីEleanor Roosevelt អតីតមន្ត្រីការទូតរបស់អាមេរិក។
៧) «វាមានរឿងមួយប៉ុណ្ណោះ ដែលធ្វើឲ្យសុបិនរបស់អ្នកមិនអាចក្លាយជាការពិត នោះគឺភាពភ័យខ្លាចចំពោះការបរាជ័យ»។ ដោយលោក Paulo Coelho អ្នកនិពន្ធដ៏ល្បីរបស់ប្រេស៊ីល៕
ប្រភព៖ www.psychologytoday.com & www.brainyquote.com
