អតីតអ្នកជំនួញដ៏ជោគជ័យរបស់ក្រិក Aristotle Onassis៖ «អាថ៌កំបាំងក្នុងការធ្វើជំនួញដ៏ជោគជ័យ គឺត្រូវដឹងអ្វីដែលអ្នកផ្សេងមិនដឹង»
«អាថ៌កំបាំងក្នុងការធ្វើជំនួញដ៏ជោគជ័យ គឺត្រូវដឹងអ្វីដែលអ្នកផ្សេងមិនដឹង»។ នេះជាពាក្យសម្ដីដ៏មានន័យរបស់លោក អារីស្តូត អូណាស៊ីស (Aristotle Onassis) ដែលជាអតីតអ្នកជំនួញដ៏ល្បីល្បាញរបស់ក្រិកខាងវិស័យដឹកជញ្ជូន ហើយថ្វីត្បិតតែលោកបាត់បង់ជីវិត តែកេរ្តិ៍ឈ្មោះរបស់លោកនៅតែបន្តជីវិត។
ក្នុងន័យនេះ លោកចង់បញ្ជាក់ថា ការធ្វើជំនួញមួយដែលនាំទៅរកភាពជោគជ័យនោះ គឺត្រូវគិត និង ធ្វើអ្វីមួយដែលអ្នកផ្សេងទៀតមិនដឹង។ មានមនុស្សជាច្រើនដែលព្យាយាមធ្វើអ្វីមួយដែលមនុស្សភាគច្រើនបាននឹងកំពុងធ្វើហើយ ឬ ចម្លងតាមគេ ដូច្នេះហើយវាពិតជាមិនងាយនឹងរកឃើញភាពជោគជ័យបាននោះឡើយ។ ជំនួញគឺជាពាក្យមួយដែលស្រួលគិត និង ស្រួលនិយាយ តែវាពិតជាមហាពិបាកធ្វើ ហើយមានមនុស្សច្រើនណាស់ដែលសម្រេចចិត្តបើកជំនួញ ហើយបន្តិចក្រោយមកក៏សម្រេចចិត្តបិទទ្វាវិញ ព្រោះអ្វីៗមិនស្រួលដូចការគិត និង ការស្រមៃរបស់ខ្លួន។
បើតាមអតីតអ្នកជំនួញដ៏ល្បីរបស់ក្រិកខាងលើនេះ បើចង់ឲ្យជីវិតជំនួញរបស់អ្នកជោគជ័យនោះ ដាច់ខាតគឺត្រូវតែដឹង ស្គាល់ និង ធ្វើអ្វីដែលអ្នកផ្សេងៗទៀតមិនដឹង ឬ មិនទាន់ធ្វើ ព្រោះបើអាចធ្វើតាមតាមចំណុចនេះ វាពិតជាមានឱកាសច្រើនណាស់ក្នុងការសម្រេចតាមក្តីសុបិន តែបើធ្វើតាមហ្វូង ឬ ផ្អើលតាមហ្វូងនោះ វាមិនចម្លែកទេ ដែលអ្នកបរាជ័យនោះ៕
ដោយ៖ រតនា វិចិត្រ
