សង្កេតឃើញទីផ្សារកុំព្យូទ័រសំប៉ែតតូចៗ ប្រភេទ mini PC ហាក់មានការកក្រើកនៅមួយរយៈពេលចុងក្រោយ។ បច្ចុប្បន្ន mini PC ត្រូវបានផលិតលក់ជាច្រើនម៉ូដែលនៅលើទីផ្សារ ហើយចំណែក fanless mini PC នេះវិញ ក៏ត្រៀមចេញប្រកួតប្រជែងនឹងគេដែរ។ អ្វីដែលធ្វើឱ្យគេចាប់អារម្មណ៍នៅលើ mini PC ថ្មីនេះ គឺដោយសារតួរបស់វាផលិតពីឈើ ហើយវាជា mini PC ដែលគ្មានប្រើកង្ហារនោះទេ។
នេះជាសមិទ្ធផល fanless mini PC ថ្មីសន្លាងមួយរបស់ក្រុមហ៊ុនស្វីស Pierre Gelso ដែលត្រូវបានឌីហ្សាញមានតួផលិតពីឈើ និងបំពាក់ដោយអង្គប្រតិបត្តិ Intel Quad-Core។ ម៉ាស៊ីនកុំព្យូទ័ររាងតូចផលិតពីឈើនេះ ដំណើរការដោយប្រព័ន្ធប្រតិបត្តិការ Windows 10 ដែលជាជំនាន់ចុងក្រោយរបស់ Microsoft ហើយមានអង្គផ្ទុកទិន្នន័យ SSD ទំហំ 125GB ក៏អមមកជាមួយតំណភ្ជាប់ដូចជា Wireless និង Bluetooth 4.0 LE។
លក្ខណៈសម្បត្តិកុំព្យូទ័រ fanless mini PC នេះរួមមាន៖
-ជាកុំព្យូទ័ររូបរាងតូច ឌីហ្សាញសម្រាប់ការងារការិយាល័យ
-បំពាក់ឈីប Intel Quad-Core N3150 ល្បឿនដល់ 2.08GHz
-RAM 4GB
-Hard drive ទំហំ 125GB SSD
-ក្រាហ្វិក Intel HD Graphics
-តំណភ្ជាប់ Wi-Fi N 300 Mbps, Bluetooth 4.0 LE
-រន្ធ USB 3.0 ចំនួន៤ / រន្ធ HDMI ចំនួន១ / រន្ធ DVI ចំនួន១ / រន្ធ RJ45 ចំនួន១ / រន្ធកាស Jack 3.5mm ចំនួន២ / និងរន្ធ Power 19V
-ប្រព័ន្ធប្រតិបត្តិការ Windows 10 Home
-វិមាត្រ (18 / 18 / 3.5) សង់ទីម៉ែត្រ
ប្រែសម្រួល៖ រឹទ្ធិរាជ
ប្រភព៖ Kickstarter
