បៀល ហ្គេត (Bill Gates)កំពូលអ្នកមានផុតលេខក្នុងលោក ៖ វិស័យ៣ ដែលអាចផ្លាស់ប្ដូរពិភពលោកទាំងមូល
លោក បៀល ហ្គេត (Bill Gates) កំពូលអ្នកមានផុតលេខក្នុងលោក និយាយថា មានវិស័យ៣យ៉ាង ដែលអាចផ្លាស់ប្ដូរពិភពលោកទាំងមូលបាននៅពេលខាងមុខ ទី១ ភាពឆ្លាតវៃសិប្បនិមិត្ត (Artificial intelligence) ទី២ វិស័យថាមពល និង ទី៣ផ្នែកជីវសាស្ត្រ។
ភាពឆ្លាតវៃសិប្បនិមិត្ត (Artificial intelligence) សំដៅទៅលើបច្ចេកវិទ្យារបស់គ្រឿងម៉ាស៊ីន ដែលត្រូវបានគេបង្កើតឡើងដើម្បីបម្រើដល់ការងារប្រចាំថ្ងៃរបស់មនុស្ស យ៉ាងមានប្រសិទ្ធភាព និង ទទួលបានលទ្ធផលខ្ពស់ជាមុន។ ចំណែកវិស័យថាមពលវិញ គឺ លោក បៀល ហ្គេត (Bill Gates) សំដៅលើវិធីសាស្ត្រទាំងឡាយណា ដែលជួយបម្រើដល់ការរស់នៅរបស់មនុស្សបានយ៉ាងមានប្រសិទ្ធភាព ជាពិសេសនោះ មិនប៉ះពាល់ដល់បរិស្ថាន (ប្រើប្រាស់ថាមពលសុវត្ថិភាព)។ ចំពោះផ្នែកជីវសាស្ត្រវិញ មហាសេដ្ឋីរូបនេះ ចង់សំដៅលើរបកគំហើញទាំងឡាយណាដែលអាចជួយឲ្យមនុស្សរស់នៅប្រកបដោយសុខភាពល្អជាងមុន និង អាចរស់នៅបានយូរ។
សូមបញ្ជាក់ថា បច្ចុប្បន្ននេះលោក បៀល ហ្គេត (Bill Gates) កំពុងចូលរួមក្នុងសកម្មភាពសង្គមជាច្រើន ជាពិសេសក្នុងទិសដៅដើម្បីជួយកាត់បន្ថយបញ្ហារបស់ពិភពលោក ហើយមហាសេដ្ឋីរូបនេះក៏ធ្លាប់ប្រកាសថា ទ្រព្យសម្បត្តិមួយភាគធំរបស់ខ្លួន នឹងត្រូវប្រើប្រាស់ ដើម្បីជួយដល់សង្គម៕
