ចំណេះដឹងខ្លីៗ៖ តើប្រទេសណាជាប្រទេសមានសុភមង្គលបំផុត និង វេទនាបំផុតក្នុងលោក?
ប្រទេសន័រវែស ត្រូវបានគេចាត់ទុកជាប្រទេសដែលមានសុភមង្គលបំផុតក្នុងលោក ដោយឡែកប្រទេសដែលវេទនាបំផុតវិញនោះ គឺសាធារណរដ្ឋអាហ្វ្រិកកណ្ដាល។ នេះបើយោងតាមរបាយការណ៍World Happiness Report ដែលចុះផ្សាយនៅឆ្នាំ២០១៧នេះ។
សូមបញ្ជាក់ថា កន្លងមកប្រទេសដែលមានសុភមង្គលជាងគេ គឺប្រទេសដាណឺម៉ាក ប៉ុន្តែពេលនេះន័រវែស បានចូលមកជំនួសដំណែងវិញ។ ដោយឡែក សាធារណរដ្ឋអាហ្វ្រិកកណ្ដាលជាប្រទេសតូចមួយនៅតំបន់អាហ្វ្រិកដែលមានបញ្ហាជាច្រើន ដូចជាសង្គ្រាម ជម្លោះសាសនា និង ភាពក្រីក្រយ៉ាងខ្លាំង ដែលធ្វើឲ្យប្រជាជនពិបាករស់នៅ៕
