​​លោក​​ Tony Hsieh​​ ​​​​ជា​ស្ថាបនិក​របស់​ក្រុមហ៊ុន​Zappos ​ហើយ​បច្ចុប្បន្ន​ជា​សេដ្ឋី​មួយ​រូប​ដែល​មាន​ទ្រព្យ​សម្បត្តិ​ប្រមាណ​​៧០០​លាន​ដុល្លារ​អាមេរិក​។ ​ប៉ុន្តែ​អ្វី​ដែល​​​សំខាន់​នោះ​ ​​​រូប​លោក​មិន​រស់នៅ​ក្នុង​ផ្ទះ​ ឬ ​​វិមាន​ដ៏​ស្កឹមស្កៃ​​​អ្វី​នោះ​ទេ​ ​​តែ​បែរ​ជា​សម្រេច​ចិត្ត​រស់​នៅ​ក្នុង​ផ្ទះ​សណ្ដោង​ ប្រៀប​បាន​នឹង​​សាមញ្ញជន​​ទៅវិញ​។ ​​​​​ Tony Hsieh ជា​សេដ្ឋី​មួយ​រួប​ដែល​មិន​សូវ​ខ្វល់ខ្វាយ​អំពី​សម្ភារៈ​ថ្លៃ​ ឬ ​ការ​រស់​នៅ​ក្នុង​ជីវិត​​ហ៊ឺហា​ឡូយឆាយ​​នោះ​ទេ​ ​ព្រោះ​ផ្ទះ​សណ្ដោង​ដែល​​សេដ្ឋី​រួប​នេះ​ ​រស់​នៅ​នោះ​ គឺ​មាន​តម្លៃ​​ត្រឹម​តែ​​១០០០​ដុល្លារ​ក្នុង​មួយ​ខែ​​ប៉ុណ្ណោះ​ ​ ដែល​តម្លៃ​នេះ​គឺ​វា​ហាក់​ដូច​ជា​មិន​សម​​ឲ្យ​​លោក​រស់​នៅ​ឡើយ​។ ​​​ ​ប៉ុន្តែ​ លោក​យល់​ឃើញ​ថា ​​​ការ​រស់​​នៅ​ក្នុង​ផ្ទះ​ធំ​ ឬ ​ថ្លៃ​​គឺ​មិន​មែន​ជា​ផ្នែក​មួយ​ក្នុង​និយម​នៃ​​ពាក្យ​ថា​ ជោគជ័យ​របស់​ខ្លួន​ឡើយ​។ ​​សម្រាប់​​លោក​ផ្ទាល់​ ពាក្យ​ថា ជោគជ័យ​ពិត​ប្រាកដ​ក្នុង​ជីវិត​នោះ គឺ​នៅ​ពេល​ដែល​លោក​នៅ​តែ​មាន​អារម្មណ៍​ថា ធម្មតា​ ​បើ​ទោះបី​ជា​ត្រូវ​បាត់បង់​អ្វីៗ​​សឹង​តែ​ទាំង​អស់ ​ហើយ​រស់​នៅ​ក្នុង​ជីវភាព​បែប​សាមញ្ញ​យ៉ាង​ណា​ក៏​ដោយ​​​​។ «​ ពេល​ខ្លះ​​ មនុស្ស​មួយ​ចំនួន​បាន​សួរ​ខ្ញុំ​ពី​ ​និយមន័យ​​នៃ​ពាក្យ​ថា​ជោគជ័យ។ ​​សម្រាប់​ខ្ញុំ​​​​ ​​គឺ​​នៅ​ពេល​ដែល​​ខ្ញុំ​នៅ​តែ​មាន​អារម្មណ៍​​ថា​ធម្មតា​ ​​ទោះបី​ជា​បាត់បង់​អ្វីៗ​ដែល​ខ្ញុំ​មាន​ក៏​ដោយ​»។ ​សូម​បញ្ជាក់​​ ​​ពួក​អ្នក​មាន​មួយ​ចំនួន​ទៀត​​ ក៏​មាន​អត្តចរិត​បែប​នេះ​ដែរ​ ពោល​គឺ​មិន​​ចូល​ចិត្ត​ហ៊ឺហា​​នោះ​ឡើយ​ទោះបី​ជា​មាន​លុយ​ចាយ​សឹង​មិន​អស់​។ ជាក់ស្ដែង​​ លោក​​​Warren Buffett  ​​មហាសេដ្ឋី​លំដាប់​ទី​២​នៅ​លើ​លោក​ ​​កំពុង​រស់​នៅ​ក្នុង​ផ្ទះ​ចាស់​ដែល​ខ្លួន​បាន​ទិញ​តាំង​ពី​ឆ្នាំ​១៩៥៨​​មក។ ដោយ​ឡែក​ សេដ្ឋី​វ័យ​ក្មេង​របស់​អាមេរិក​ លោក​ Mark Zuckerberg  ​​ចូលចិត្ត​ពាក់​អាវយឺត​ធម្មតា​ៗ​ជា​រៀងរាល់​ថ្ងៃ៕ អត្ថបទល្អៗផ្សេងទៀត៖ សំណួរ ៣សំខាន់ៗសង្កត់ធ្ងន់ទៅលើភាពជាអ្នកដឹកនាំពីលោក John C. Maxwell ​​ចំណុច​គោល​​ទាំង​៥​​ ​​ដែល​​អ្នក​ត្រូវ​​​​គិត​​​​ឲ្យ​ច្បាស់​​សិន​ ​​មុន​ពេល​សម្រេច​​ចិត្ត​រក​ស៊ី​ ​ដើម្បី​កុំ​ឲ្យ​​​​​​មាន​វិប្បដិសារី​​ធ្ងន់ធ្ងរ​ថ្ងៃ​ក្រោយ​ ​ដោយ​៖​ រតនា​ ​វិចិត្រ​​​ ​​ ​​