ទស្សនៈមាសពីមហាសេដ្ឋី និង សហគ្រិនសង្គមនៅអាស៊ី ដែលអ្នកគួរយល់ដឹង
នៅពេលដែលគេនិយាយអំពីបុគ្គលជោគជ័យ ឬ អ្នកមានធំៗ មនុស្សភាគច្រើននឹកឃើញដល់សហរដ្ឋអាមេរិក និង ប្រទេសនៅតំបន់អឺរ៉ុប។ ប៉ុន្តែបើក្រឡេកមកមើលតំបន់អាស៊ីវិញ ក៏មានមនុស្សមិនតិចដែរ ដែលបានក្លាយជាបុគ្គលឆ្នើមក្នុងលោក និង ជាអ្នកមានកំពូលៗ។ ខាងក្រោមនេះ ជាសម្ដីមាសរបស់ មហាសេដ្ឋី និង សហគ្រិនសង្គមនៅអាស៊ីទាំង៦រូប៖
១) «នៅពេលអ្នកមានគូប្រជែងធំៗ ដូចជាGoogle និង Ebay នោះហើយជាសំណាងរបស់អ្នក។ វាប្រៀបដូចជាខ្ញុំ កំពុងតែប្រកួតជាមួយMike Tyson អ៊ីចឹង ពោលគឺ ខ្ញុំមានកិត្តិយសណាស់ ហើយខ្ញុំក៏រៀនបានច្រើនផងដែរ»។ ដោយ លោក ចេក ម៉ា ស្ថាបនិករបស់ក្រុមហ៊ុន Alibaba។
២) «អត្តចរិត និង ឱកាស គឺជាធាតុសំខាន់ ដែលនាំឲ្យមានភាពជោគជ័យដល់ថ្ងៃនេះ»។ ដោយលោក Narayana Murthy មហាសេដ្ឋីផ្នែកបច្ចេកវិទ្យារបស់ឥណ្ឌា។
៣) «ខ្ញុំគ្រាន់តែជាមនុស្សធម្មតាម្នាក់ ដែលព្យាយាមធ្វើការអស់ពីលទ្ធភាពរបស់ខ្ញុំប៉ុណ្ណោះ»។ ដោយលោក Muhammad Yunus ជាសហគ្រិនសង្គមរបស់បង់ក្លាដេស ដែលបានជួយលើកស្ទួយដល់ជីវភាពប្រជាជនជាច្រើន តាមរយៈគម្រោងប្រាក់កម្ចីខ្នាតតូច។
៤) «ភាពជោគជ័យរបស់សហគ្រាសមួយ គឺអាស្រ័យទៅលើភាពស្មោះត្រង់ និង ការទទួលភាពជឿជាក់ មិនមែនអាស្រ័យល្បិចកលនោះទេ»។ ដោយលោក Liu Chuanzhi ស្ថាបនិករបស់ក្រុមហ៊ុនLenovo ។
៥) «តាមរយៈភាពអត់ធ្មត់ អ្នកនឹងទទួលបានភាពជោគជ័យយ៉ាងធំធេង»។ ដោយលោក Tadashi Yanai ជាស្ថាបនិករបស់ក្រុមហ៊ុនFast Retailing និងជាមហាសេដ្ឋីរបស់ជប៉ុន។
[
៦) «សំណាង គឺជាផ្លូវប្រសព្វរវាង ឱកាស និង ការត្រៀមខ្លួន។ ប្រសិនបើអ្នកត្រៀមខ្លួនបានយ៉ាងល្អ នោះសំណាងរបស់អ្នកនឹងកើតឡើង»។ ដោយលោក Hiroshi Mikitani មហាសេដ្ឋីជប៉ុន និង ជាស្ថាបនិកក្រុមហ៊ុនRakuten ៕
ដោយ៖ រតនា វិចិត្រ
