កម្មវិធីពានរង្វាន់សហគ្រិនវ័យក្មេងឆ្នាំ២០១៧ បន្ថែមពានរង្វាន់មួយទៀត!
កម្មវិធី «ពានរង្វាន់សហគ្រិនវ័យក្មេងឆ្នាំ២០១៧» ដែលសហការរៀបចំឡើងដោយសភាយុវពាណិជ្ជករអន្តរជាតិកម្ពុជាសាខាមេគង្គនិងសមាគមសហគ្រិនវ័យក្មេងកម្ពុជា (YEAC) នឹងបន្ថែមពានរង្វាន់មួយទៀតនៅឆ្នាំថ្មីនេះ។ នោះគឺពានរង្វាន់ គំនិតផ្ដួចផ្ដើមអាជីវកម្មថ្មី (start-up award)។ នេះបើយោងតាមសេចក្ដីប្រកាសព័ត៌មានដែល BizKhmer ទទួលបានកាលពីថ្ងៃម្សិលមិញ។
ពានរង្វាន់ថ្មីនេះ គឺមិនទាមទារឱ្យមានការចាប់ផ្ដើមមុខជំនួញចាប់ពី ២ឆ្នាំឡើងក្នុងការធ្វើអាជីវកម្ម ដូចជាពានរង្វាន់ ៤ផ្សេងទៀតនោះទេ។ ប៉ុន្តែ វានឹងផ្ដល់ជូនដល់សហគ្រិនចាប់ផ្ដើមចេញនូវគំនិតថ្មីក្នុងការធ្វើអាជីវកម្ម ធ្វើយ៉ាងណាត្រូវច្បាស់ថា ពួកគេអាចមានភាពច្នៃប្រឌិតខ្ពស់ ដើម្បីអភិវឌ្ឍន៍មុខជំនួញឱ្យរីកចម្រើនក្នុងរយៈពេលខ្លី ព្រមទាំងមានភាពឆ្លាតវៃក្នុងការដោះស្រាយបញ្ហាផ្សេងៗជូនអតិថិជនឆាប់រហ័ស និងប្រកបដោយការយកចិត្តទុកដាក់។
បើយោងតាមសេចក្ដីប្រកាសព័ត៌មានដដែល បានឱ្យដឹងថា ការប្រកួតប្រជែងពានរង្វាន់សហគ្រិនវ័យក្មេងកម្ពុជានេះ ធ្វើឡើងដើម្បីទទួលស្គាល់ និងលើកទឹកចិត្តដល់បណ្ដាសហគ្រិនវ័យក្មេងកម្ពុជា ឱ្យមានឱកាសចូលរួមបង្ហាញសមត្ថភាពចែករំលែកនូវជោគជ័យជាលក្ខណៈថ្នាក់ជាតិ។ បន្ថែមពីលើនេះ ការប្រកួតប្រជែងនេះ ក៏លើកកម្ពស់ឱ្យសហគ្រិនកម្ពុជាត្រៀមខ្លួនក្នុងការដណ្ដើម យកពានរង្វាន់ផ្សេងទៀតពីលើឆាកអន្តរជាតិដែរ។ សហគ្រិននឹងទទួលបានឧត្តមភាពនៅក្នុងការស្វែងរកដៃគូអាជីវកម្ម ឬអ្នកវិនិយោគ ទាំងក្នុង និងក្រៅប្រទេសដែលជាផ្នែកមួយចូលរួមចំណែកក្នុងការអភិវឌ្ឍសេដ្ឋកិច្ចនៅកម្ពុជាផងដែរ។
បើចាប់អារម្មណ៍ចង់ចូលរួមប្រកួតប្រជែង ត្រូវមានលក្ខខណ្ឌដូចខាងក្រោម៖
+អាយុចាប់ពី ១៨ ដល់ ៤៥ឆ្នាំ
+អាជីវកម្មត្រូវបានបង្កើតដំបូងនៅប្រទេសកម្ពុជា និងមានភាគហ៊ុនយ៉ាងតិច ៥១ភាគរយគ្រប់គ្រងដោយជនជាតិខ្មែរ
+អាជីវកម្មត្រុវចុះបញ្ជីការត្រឹមត្រូវតាមផ្លូវច្បាប់ និងដំណើរការយ៉ាងតិច ២ឆ្នាំ
+អាជីវកម្មត្រូវមានបុគ្គលិកអចិន្ត្រៃយ៍យ៉ាងតិច ៥នាក់
+សហគ្រិន/អាជីវកម្មមិនត្រូវបានពាក់ព័ន្ធជាមួយគណៈកម្មការជ្រើសរើស និងក្រុមអ្នករៀបចំកម្មវិធី
+មិនត្រូវជាប់ពាក់ព័ន្ធនឹងបទល្មើសផ្សេងៗ
+ស្ត្រីត្រូវបានលើកទឹកចិត្តឱ្យចូលរួមក្នុងការដាក់ពាក្យ
នេះជាលើកទិ៣ហើយ នៃការប្រកួតប្រជែងពានរង្វាន់សហគ្រិនវ័យក្មេងកម្ពុជា ហើយឆ្នាំនេះ គឺរឹតពិសេសជាងឆ្នាំមុន ពោលគឺកម្មវិធីត្រូវបានផ្សព្វផ្សាយទៅកាន់ខេត្តក្រុងចំនួន ៥ផ្សេងទៀតក្រៅពីរាជធានីភ្នំពេញ គឺមាន សៀមរាប បាត់ដំបង កំពង់ចាម ព្រះសីហនុ និងកណ្ដាល។ បើលោកអ្នកចាប់អារម្មណ៍ ចង់ចូលរួមប្រកួតប្រជែង សូមបំពេញពាក្យតាមរយៈ http://cyeaward.com/ ឬទាក់ទង 0១៥ ៩០២ ៦២២។ ការទទួលពាក្យធ្វើឡើងចាប់ពីថ្ងៃទី២៩ មេសា ដល់ថ្ងៃទី៣១ ខែឧសភា៕
[caption id="attachment_38322" align="aligncenter" width="670"]
នេះជាម្ចាសពានទាំង ៤រូបកាលពីឆ្នាំ២០១៦[/caption]
នេះជាម្ចាសពានទាំង ៤រូបកាលពីឆ្នាំ២០១៦[/caption]
