ទីក្រុងល្អៗដាច់គេទាំង៥ ដែលល្អបំផុតសម្រាប់រស់នៅ
តាមរយៈគេហទំព័រ Forbes បានឲ្យដឹងពីទីក្រុងលំដាប់ៗ ទាំង៥ដែលល្អបំផុតសម្រាប់រស់នៅ។ តើមានទីក្រុងណាខ្លះ? ហើយតើហេតុអ្វីទីក្រុងទាំងនោះគួរជាទីកន្លែងល្អសម្រាប់រស់នៅ? ១) ទីក្រុង Amsterdamប្រទេសហូឡង់៖ វាមិនត្រឹមតែជាទីក្រុងកំពូលមួយនៅទ្វីបអឺរ៉ុបនោះទេ ថែមទាំង ជាទីក្រុងមួយអំណោយផលដល់ការវិនិយោគទុនទៀត។
២) ទីក្រុងBerlin ប្រទេសអាល្លឺម៉ង់៖ ជាការពិតណាស់ សេដ្ឋីធ្វើការច្រើនមែន តែពួកគេក៏ហ៊ានចំណាយលុយច្រើនដើម្បីតែទទួលបានភាពសប្បាយរីករាយមកវិញដែរ។ ហើយទីក្រុងនេះគឺល្បីខ្លាំងណាស់សម្រាប់អ្នកចង់ដើរលេងយប់ សប្បាយហ៊ឺហា។
៣) ទីក្រុង Munich ប្រទេសអាល្លឺម៉ង់៖ ទីក្រុងនេះគឺជាទីក្រុងមួយក្នុងចំណោមទីក្រុងមានជាងគេនៅទី្វបអឺរ៉ុប។ ក្នុងឆ្នាំ២០១៣ ទីក្រុងនេះមានសេដ្ឋីរស់នៅ ចំនួន ១៣០ ,០០០ នាក់រួចទៅហើយ ហើយវាស្ថិតក្នុងលំដាប់ថ្នាក់លេខ ១២ដែលមានសេដ្ឋីរស់នៅច្រើនលើលោក។
៤) ទីក្រុង Lisbon ប្រទេសព័រទុយហ្គាល់៖ មូលហេតុដែលសេដ្ឋីៗ គួរទៅរស់នៅក្នុង ទីក្រុង Lisbonព្រោះ ប្រទេសនេះមានអាកាសធាតុល្អ ដាច់គេនៅអឺរ៉ុប ឆ្នេរសមុទ្រនៅជិតទីក្រុង មាន ទន្លេ មានរោងចក្រឧស្សាហកម្មធំៗ ជាច្រើន មានវប្បធម៌គួរឲ្យចាប់អារម្មណ៍ ហើយទីក្រុងគឺពិតជាទំនើបស៊ីវិល័យខ្លាំង។
៥) ទីក្រុង Antwerp ប្រទេសបែលហ្ស៊ិក៖ វាគឺជាទីក្រុង មួយដែលរីកចម្រើនខ្លាំងនៅប្រទេស បែលហ្ស៊ិក។ នៅទីនោះមានកំពង់ផែអន្តរជាតិជាច្រើន ហើយអ្នកស្ទើរនឹងមិនជឿពីទំហំរបស់កំពង់ផែយក្សនៅទីនោះ៕
ប្រែសម្រួល៖ ព្រំ សុវណ្ណកណ្ណិកា ប្រភព៖ forbes
