ពេលនេះ Galaxy S8 និង S8+ កំពុងមានវត្តមាន ត្រូវបានដាក់លក់នៅតាមទីផ្សារជាច្រើនជុំវិញពិភពលោកហើយ។ ភាពលេចធ្លោមួយ ក្រៅពីមុខងារ និងបច្ចេកវិទ្យាថ្មីៗមាននៅលើ កំពូលស្មាតហ្វូន Android នេះ គឺនៅត្រង់ការរូបរាងឌីហ្សាញ ពិសេសផ្ទៃខាងមុខតែម្ដង ដែលក្រាលដោយកញ្ចក់ស្ទើរគ្រប់ជ្រុងទាំង៤។ ស្មាតហ្វូនទំនើបបំពាក់អេក្រង់ប្រភេទ Infinity Display ឬអេក្រង់លាតសន្ធឹងពេញផ្ទៃមុខទូរស័ព្ទនេះ ពេលនេះ ត្រូវគេយកមកធ្វើតេស្តដើម្បីចង់ដឹងតើវា មានការធន់ត្រាំនឹងសម្ពាធកម្រិតណា។
https://youtu.be/w_dTXKhFWtE
នៅក្នុងវីដេអូខាងលើ គេបានធ្វើតេស្តនៅលើផ្នែកផ្សេងគ្នាចំនួន៣ នៃ Galaxy S8 រួមមាន៖
១) ឆ្កូតដោយប្រើ ដែកស្រួចចុង ហើយឆ្កូតលើផ្នែកផ្សេងៗ ដូចជា នៅត្រង់ អេក្រង់មុខ ត្រង់ camera lens, ស៊ុមកាមេរ៉ា lens និងឆ្កូតលើទ្រនាប់ fingerprint ជាដើម។ អ្វីដែលពិសេសនោះ ក្រោយពីឆ្កូតនៅលើទ្រនាប់ស្កេនម្រាមដៃ តែមុខងារស្កេននៅតែដំណើរការបានដដែល ថ្វីបើវាមានស្នាមឆ្កូតហើយក៏ដោយ។
២) ធ្វើតេស្តដោយ ប្រើភ្លើងរោលលើអេក្រង់។ ក្នុងវីដេអូគេបានប្រើ ភ្លើងដែកកេះ ដុតនៅត្រង់កញ្ចក់អេក្រង់ Galaxy S8។ ការដុតឡើងដំបូង ពុំឃើញមានអ្វីកើតឡើងគួរកត់សម្គាល់ឡើយ តែនៅពេលដុតលើចុងក្រោយ រយៈពេលយូរ ឃើញថា អេក្រង់ S8 មានស្នាមដុំពណ៌ត្នោត។
៣) ជាការធ្វើតេស្តដោយពត់ S8។ សង្កេតឃើញថា បុរសម្នាក់ក្នុងវីដេអូបានប្រឹង ប្រើកម្លាំងដៃខ្លាំង តែនៅមិនអាចពត់ ឬកាច់ Galaxy S8 ឱ្យខូចទ្រង់ទ្រាយបានឡើយ។ ឃើញការធ្វើតេស្តពត់ទូរស័ព្ទនេះ យើងនឹងឃើញ ដល់បញ្ហាទូរស័ព្ទឆាប់ វៀច កោង នៅលើ iPhone 6 Plus។ ដូច្នេះ Galaxy S8 អាចនិយាយបានថា ជាស្មាតហ្វូនរឹងមាំមួយ។
ចុះប្រិយមិត្តតើមានយោបល់អ្វីខ្លះ ក្រោយពីបានវីដេអូធ្វើតេស្ត Galaxy S8 ខាងលើហើយ?
ប្រែសម្រួល៖ រឹទ្ធិរាជ
ប្រភព៖ gsmarena.
