សញ្ញាទាំង ៤យ៉ាងដែលបញ្ជាក់ថា បុរសម្នាក់នោះជាគូជីវិតរបស់អ្នកហើយ!
ប្រសិនជាអ្នកមើលតាមបណ្ដាញសង្គមអនឡាន អ្នកប្រហែលជាគិតថាគូសង្សារយូរអង្វែងមិនមានទៀតឡើយ។ គូស្នេហាជាច្រើនស្រឡាញ់គ្នាត្រឹមរយៈពេលខ្លី។ ក៏ប៉ុន្តែ ស្នេហាពិតប្រាកដមិនទាន់សាបសូន្យនោះទេ។ ការរកឃើញស្នេហាពិតប្រាកដមានន័យថាអ្នកត្រូវរកឲ្យឃើញនូវបុរសពិត។ ខាងក្រោមនេះជាសញ្ញាដែលបង្ហាញថាបុរសម្នាក់នោះជាគូជីវិតរបស់អ្នកពិតប្រាកដ៖
១) ទៅដើរលេងជាមួយគ្នា៖ ប្រសិនជាបុរសម្នាក់នោះពិតជាស្រឡាញ់អ្នក នៅពេលដែលអ្នកដើរលេងកម្សាន្តជាមួយនឹងគាត់ គាត់មិនលេងទូរស័ព្ទឬទុកអ្នកចោលឡើយ។ ផ្ទុយទៅវិញ គាត់នឹងរីករាយជាមួយនឹងអ្នកក្នុងដំណើរកម្សាន្តមួយនេះ។ លើសពីនេះទៅទៀត គាត់នឹងមើលថែនិងការពារអ្នកមិនឲ្យមានគ្រោះថ្នាក់អ្វីឡើយ។
២) ទោះឈ្លោះគ្នាយ៉ាងណាក៏មិនបែក៖ ការឈ្លោះគ្នារវាងគូស្នេហ៍ពិតជាហត់នឿយណាស់។ បើទោះជាឈ្លោះគ្នាយ៉ាងណាក្តី អ្នកទាំងពីរនៅតែព្យាយាមសម្រួលគ្នាទៅវិញទៅមក នោះវាជាសញ្ញាមួយបញ្ជាក់ឲ្យច្បាស់ថា នេះជាស្នេហាពិត។
៣) អ្នកមានអារម្មណ៍ពិសេស៖ អ្នកនឹងមានអារម្មណ៍ថាប្រាកដជាបុរសម្នាក់នឹងហើយ។ ប្រសិនជាអ្នកនៅជាមួយបុរសដែលអ្នកមាននិស្ស័យនៅជាមួយគ្នានោះ អ្នកនឹងមានអារម្មណ៍ម្នាក់នឹងហើយ។ ពេលអ្នកនៅក្បែរគាត់ អ្នកអាចក្លាយជាខ្លួនឯង(be yourself) ដោយឥតបារម្ភ។
៤) បញ្ចប់សារដោយ«បងស្រឡាញ់អូន»៖ គូសង្សារជាច្រើនចូលចិត្តនិយាយពាក្យ«បងស្រឡាញ់អូនឬអូនស្រឡាញ់បង»។ តែ ប្រសិនបុរសម្នាក់នោះពិតជាស្រឡាញ់អ្នក គាត់នឹងឆ្លៀតឱកាសបង្ហាញអ្នកថា«អ្នកគឺជាអ្វីដែលអស្ចារ្យបំផុតដែលកើតមានក្នុងជីវិតរបស់គាត់ ហើយគាត់ពិតជាស្រឡាញ់អ្នកខ្លាំងណាស់ អត់អ្នកមិនបាននោះទេ»៕
ប្រែសម្រួល៖ អឹុង មុយយូ ប្រភព៖beautyandtips.com
