ប្រសិនស្នេហារបស់អ្នកជាស្នេហាឆ្លងទ្វីប អ្នកគួររៀនសូត្រពីដំបូន្មានទាំងនេះ
មិនថាអ្នកស្រឡាញ់មនុស្សដែលរស់នៅក្រៅប្រទេសឬរស់នៅខេត្តផ្សេងពីអ្នកនោះទេ ស្នេហាឆ្លងទ្វីបឬឆ្លងខេត្តគឺពិតជាមិនមែនជារឿងងាយស្រួលឡើយ។ ទោះបីជាវាមិនមែនជារឿងងាយស្រួលក៏ដោយ តែវាមិនមានន័យស្នេហារបស់អ្នកនឹងស្លាប់នោះទេ។ អនុវត្តតាមគន្លឹះខាងក្រោមនេះស្នេហារបស់អ្នកនឹងគត់វង់យូរអង្វែង៖
១) ការសន្ទនាគឺជាគន្លឹះរក្សាចំណងស្នេហារបស់អ្នក៖ ពិតប្រាកដណាស់ថា ការសន្ទនាគឺជាកត្តាដ៏សំខាន់មួយក្នុងទំនាក់ទំនង។ ដោយសារតែអ្នកមិនអាចបង្ហាញកាយវិការផ្ទាល់ខ្លួនបាន ដូច្នេះហើយអ្នកត្រូវចែករំលែកអារម្មណ៍របស់អ្នកតាមរយៈពាក្យសម្ដី ហើយនិយាយការពិតនូវអ្វីដែលអ្នកមានអារម្មណ៍ មិនមែនក្នុងន័យឌឺដងដាក់គ្នានោះទេ។ បើទូរស័ព្ទពិបាក អ្នកអាចធ្វើសន្ទនាតាម Skype ឬ Facebook ឱ្យបានជាប្រចាំបាន។
២) កុំប្រច័ណ្ឌខុសរឿង ភាពជឿជាក់ជារឿងសំខាន់៖ ប្រាកដណាស់ វាអាចពិបាកបន្តិច។ ប៉ុន្តែ អ្នកក៏មិនអាចគិតតែពីប្រច័ណ្ឌថាដៃគូរបស់អ្នកកំពុងមានអ្នកថ្មីរហូតដែរ។ ប្រសិនជាដៃគូរបស់អ្នកប្រាប់ថាគេចេញទៅជាមួយមិត្តភ័ក្ដិ ចូរជឿជាក់គាត់។ ប្រសិនជាអ្នកមានអារម្មណ៍មិនស្រួល និយាយគ្នាជាមួយគាត់ មិនមែនចេះតែសង្ស័យរហូតនោះទេ។
៣) រក្សាភាពផ្អែមល្ហែម៖ ដោយសារតែអ្នកទាំងពីរមិនអាចមានមានស្និទ្ធស្នាលបាន ដូច្នេះហើយអ្នកទាំងពីរត្រូវធ្វើអ្វីជំនួសអ្វី។ អ្នកអាចសរសេរសំបុត្រស្នេហាដោយផ្ទាល់ដៃឬផ្ញើរូបថតអ្នកទាំងពីរ។ ធ្វើអ្វីក៏បានឲ្យតែវាបញ្ជាក់ពីក្តីស្រឡាញ់ដែលអ្នកទាំងពីរមានចំពោះគ្នា៕
ប្រែសម្រួល៖ អុឹង មុយយូ ប្រភព៖ www.hubpages.com
