ហេតុអ្វីបានជាគ្រូត្រូវយល់ដឹងពីការរីកចម្រើនរបស់សិស្ស (Child Development) ?
ទោះបីជាការអភិវឌ្ឍន៍របស់សិស្សកើតមានឡើងតាមរយៈគ្រួសារឬការជះឥទ្ធិពលពីមនុស្សជុំវិញ គ្រូក៏ដើរតួយ៉ាងសំខាន់ក្នុងការអប់រំនិងណែនាំដល់សិស្ស។ តាមរយៈការយល់ដឹងពីការរីកចម្រើនរបស់ក្មេង គ្រូអាចរៀបចំកិច្ចតែងការ (Lessons Plan) បានល្អជាងមុន ដែលជួយឲ្យពួកគេជោគជ័យនាថ្ងៃអនាគត។ ខាងក្រោមនេះជាហេតុផលដែលគ្រូត្រូវយល់ដឹងការរីកចម្រើនរបស់សិស្ស (Child Development) ៖
១) ជួយដល់ការបង្រៀន៖ ដោយសារតែក្មេងត្រូវឆ្លងកាត់ដំណាក់កាល (stages of live)ជាច្រើនក្នុងជីវិត របៀបនៃការរៀនរបស់ពួកគេក៏ខុសគ្នាផងដែរ។ ដូច្នេះហើយ ប្រសិនជាគ្រូនោះយល់ដឹងច្បាស់ពីការអភិវឌ្ឍន៍របស់សិស្ស គ្រូអាចរៀបចំគម្រោងកិច្ចតែងការបានល្អជាងមុននិងជួយឲ្យពួកគេរៀនបានល្អ។
២) បញ្ហាក្នុងថ្នាក់៖ គ្រូដែលមិនយល់ពីវដ្ដអភិវឌ្ឍន៍របស់សិស្សអាចនឹងមានបញ្ហាជាមួយសិស្ស។ ឧទាហរណ៍ថា៖ សិស្សA គឺជាសិស្សដែលរៀនបានពិន្ទុទាបជាងសិស្សដទៃឬក៏ជាសិស្សដែលចាប់មេរៀនយឺតជាងសិស្សដទៃ ប្រសិនជាគ្រូនោះគ្មានការយល់ដឹងហេតុអ្វីបានជាសិស្សAមានលទ្ធផលអីចឹង គាត់អាចចាត់ទុកសិស្សAជាសិស្សដែលអាក្រក់។ ជាលទ្ធផលវានឹងប៉ះពាល់ដល់ការបង្រៀនរបស់គ្រូនិងសិស្សដែលរៀនជាមួយគាត់ផ្ទាល់។
៣) ការគិតរបស់សិស្ស៖ គ្រូពិតជាមានការជះឥទ្ធិពលយ៉ាងខ្លាំងដល់ការគិតរបស់សិស្ស។ គ្រូដែលយល់ច្បាស់ពីការអភិវឌ្ឍន៍របស់សិស្សអាចផ្តល់ដំបូន្មានឬការលើកចិត្តតាមអាយុរបស់ពួកគាត់។ ដូច្នេះហើយ ការយល់ពីការអភិវឌ្ឍន៍របស់សិស្សពិតជាមានសារៈសំខាន់ដែលគ្រូត្រូវដឹង ពីព្រោះថាគ្រូដើរតួមួយផ្នែកនៃភាពជោគជ័យរបស់សិស្សនិងណែនាំឲ្យពួកគាត់មានឥរិយាបថល្អនៅក្នុងសង្គម៕
ប្រែសម្រួល៖អុឹង មុយយូ ប្រភព៖ hubpages.com
