ចំណុច៥យ៉ាងដែលអ្នកជំនួញគួរតែធ្វើឲ្យបានមុនម៉ោង៧ព្រឹក ដើម្បីស្រូបទាញយកភាពជោគជ័យ
អ្នកជំនួញដែលជោគជ័យតែងតែមានទម្លាប់ធ្វើអ្វីមួយជាប្រចាំថ្ងៃ ពីព្រោះថាទម្លាប់ជួយសម្រេចគោលដៅរបស់ពួកគេ សន្សំពេលវេលាបានច្រើននិងធ្វើឲ្យជីវិតរបស់ពួកគេកាន់តែប្រសើរឡើង។ ហើយទម្លាប់ដែលសំខាន់ជាងគេសម្រាប់អ្នកជំនួញគឺទម្លាប់ពេលព្រឹកនេះហើយ។ ខាងក្រោមនជាចំណុច៥យ៉ាងដែលអ្នកជំនាញជោគជ័យគួរតែធ្វើឲ្យបានមុនម៉ោង៧ព្រឹក៖
១) ភ្ញាក់ពីគេង៖ អ្នកជំនួញដែលជោគជ័យតែងតែងើបពីព្រលឹម។ ការងើបពីព្រលឹមគឺជាទម្លាប់មួយដែលអ្នកជំនួញទាំងអស់គួរតែមាន ពីព្រោះថាការងើបពីព្រលឹម អ្នកមានពេលច្រើនជាងអ្នកដទៃ ជាលទ្ធផល អ្នកអាចសម្រេចកិច្ចការជាងអ្នកដទៃ។
២) កុំប៉ះទូរស័ព្ទ៖ ប្រសិនជាអ្នកដាក់ទូរស័ព្ទនៅក្បែរខ្លួន វាអាចមានការរំខានដោយសារតែពន្លឺទូរស័ព្ទ។ល។ លើសពីនេះទៅទៀត អ្នកអាចញៀនលេងទូរស័ព្ទដោយទុកកិច្ចការចោល។ អ្នកគួរតែរៀបចំផែនការឬគម្រោងប្រចាំថ្ងៃវិញ វាប្រសើរជាង។
៣) អាហារពេលព្រឹក៖ ឈប់រំលងអាហារពេលព្រឹករបស់អ្នកទៀតទៅ។ អាហារពេលព្រឹកគឺជាអាហារដែលសំខាន់បំផុត ពីព្រោះវាផ្តល់ថាមពលដល់រាងកាយនិងទ្រទ្រង់អ្នកពេញមួយថ្ងៃ។
៤) ជំរុញស្មារតី៖ ថ្ងៃខ្លះ អ្នកមិនចង់សូម្បីតែងើបពីគេង វាធ្វើឲ្យអ្នកបាត់បង់កម្លាំងចិត្តក្នុងការធ្វើការងារ។ ដូច្នេះហើយទើបអ្នកជំនួញដែលជោគជ័យតែងតែអានសៀវភៅឬសុភាសិតវិជ្ជមាននៅពេលព្រឹក វានឹងជួយឲ្យពួកគេមានអារម្មណ៍ល្អនិងជួយបង្កើនផលិតភាព។
៥) កំណត់គោលដៅ៖ រៀងរាល់ព្រឹក កំណត់នូវគោលដៅដែលអ្នកចង់សម្រេចក្នុងថ្ងៃនេះ។ ហើយ អ្នកក៏ត្រូវគិតពីចំណុចដែលអ្នកត្រូវធ្វើដើម្បីសម្រេចកិច្ចការទាំងនោះ។ លើសពីនេះទៅទៀត អ្នកគួរតែធ្វើកិច្ចការដែលលំបាកមុន៕
ប្រែសម្រួល៖ អុឹង មុយយូ ប្រភព៖ www.lifehack.org
