រឿងរ៉ាវជាច្រើនគួរឱ្យចាប់អារម្មណ៍ទាក់ទងនឹងក្រុមហ៊ុន Google មានមនុស្សមួយចំនួនបានដឹង ហើយក៏មួយចំនួនទៀតក៏មិនបានដឹង។ ដូច្នេះទំព័រនេះ យើងសូមនាំអារម្មណ៍ប្រិយមិត្តឱ្យមកស្គាល់រឿងពិតរបស់ក្រុមហ៊ុនស្វែងរុករកដ៏មានប្រជាប្រិយភាពនេះចំនួន ១២ចំណុចដូចខាងក្រោម៖
១) ក្មេងស្រីតូចម្នាក់ បានផ្ញើសំបុត្រទៅក្រុមហ៊ុន Google ដើម្បីសុំឱ្យឪពុករបស់ខ្លួនបានឈប់សម្រាកថ្ងៃខួបកំណើត ១ថ្ងៃ។ មិនត្រឹមតែក្រុមហ៊ុន Google នោះទេ សូម្បីតែសាធារណជនកាលបើបានឃើញសេចក្ដីសំបុត្រហើយនោះ ពិតជាមិនមានការស្ងើចសរសើរ និងមិនដាច់ចិត្តបដិសេធក្មេងស្រីដ៏ឆ្លាតគួរឱ្យស្រឡាញ់បែបនេះទេ។
២) សូមចូលទៅកាន់ Google Maps រួចចុចលើការបង្ហាញរូបក្នុងទម្រង់ Satellite និង Zoom Out រហូតដល់អស់ចុងក្រោយ។ អ្នកនឹងឃើញ ទិដ្ឋភាពដ៏អស្ចារ្យនៃផែនដី ជាមួយនឹងភាពពិតត្រឹមត្រូវដែល ជ្រុងពាក់កណ្ដាលម្ខាងភ្លឺ ហើយពាក់កណ្ដាលទៀតបាំងស្រមោលនៃពន្លឺព្រះអាទិត្យដែលចាំងមកលើ។
៣) Google មានសត្វចិញ្ចឹម T-rex ដែលមានឈ្មោះ Stan ស្ថិតនៅក្នុងទីស្នាក់ការកណ្ដាលរបស់ក្រុមហ៊ុននៃរដ្ឋកាលីហ្វញ៉ា។ ស្ថាបនិកក្រុមហ៊ុន បានទិញវា ដើម្បីរំលឹកនិយោជិកកុំឱ្យក្រុមហ៊ុន Google វិនាសដូចសត្វដែលស្ទើរតែដាច់ពូជនេះ។
៤) វាយបញ្ចូលឃ្លា “atari breakout” នៅក្នុងប្រអប់ស្វែងរកជារូបភាព (Google Image) នោះអ្នកអាចលេងហ្គេមបាន។
៥) Google បានទិញយកក្រុមហ៊ុនផ្សេងៗដើម្បីពង្រឹងនិងពង្រីកសក្ដានុពលខ្លួនជាច្រើន រហូតគិតជាមធ្យម ១សប្ដាហ៍ជាង១ គិតចាប់តាំងពីឆ្នាំ២០១០ រហូតមក។
៦) គេអាចបើកមើលពីទ្រង់ទ្រាយនៃភពព្រះអង្គារបានដោយជាមួយសេវាកម្ម Google Mars ដោយចូលទៅ www.google.com/mars។
៧) វាយបញ្ចូលលេខនៅក្នុងរបារស្វែងរក (Search Bar) ដោយប្រើសញ្ញា (=) និងពាក្យ “english” នោះ Google នឹងប្រកបជាអក្សរប្រាប់ពីតម្លៃរបស់លេខ។
៨) នៅលើគេហទំព័រដើមរបស់ Google មានកំហុស validation error ចំនួន២៨។ សូមឆែកមើលនៅក្នុងរូបខាងក្រោម ឬចុចត្រង់នេះ validator.w3.org/check?uri=http%3A%2F%2Fwww.google.com
៩) បុគ្គលិកធ្វើការនៅ Google ក្រោយពេលស្លាប់ទៅ ក្រុមហ៊ុននឹងផ្ដល់ជូនមូលប្បទានប័ត្រស្មើនឹងទឹកប្រាក់ ៥០% នៃប្រាក់ខែបុគ្គលិកជូនដល់ប្ដី ឬប្រព័ន្ធ ឬអាណាព្យាបាលរៀងរាល់ឆ្នាំរយៈពេល ១០ឆ្នាំ។
១០) ស្នាក់ការរបស់ Google បានយកសត្វពពែមកចិញ្ចឹមធ្វើជាអ្នកកាត់ស្មៅ ជំនួសការប្រើកម្លាំងមនុស្ស។
១១) លើសពីការស្មាន សូម្បីតែការរៀបអាពាហ៍ពិពាហ៍ក៏ Google បានបង្កើតសេវាកម្មនេះដែរ ងាយស្រួលរៀបចំគម្រោងនៅថ្ងៃពិសេសរបស់អ្នក។ ដើម្បីចូលប្រើសូមចុចលើតំណភ្ជាប់នេះ http://www.google.com/weddings/
១២) Google Sky Maps អាចឱ្យអ្នកបើកទិដ្ឋភាពនៃហ្វូងតារា ឬតារានិករ (ក្រុមផ្កាយ) កញ្ចុំផ្កាយ និងភពផ្សេងៗ។ ដើម្បីបើកមើល សូមចុចលើតំណភ្ជាប់នេះ http://www.google.com/sky/
ប្រែសម្រួល៖ រឹទ្ធិរាជ
ប្រភព៖ lifehack
