អ្វីដែលអ្នកគួរធ្វើនិងមិនគួរធ្វើ ពេលមានសង្សារទៅនៅក្រៅប្រទេស
វាមិនមែនជារឿងងាយទេ ក្នុងការរក្សាមិត្តភាពស្នេហាឲ្យបាននៅគង់វង្សល្អនោះ។ អ្នកខ្លះវិញមិនសូវជាខ្វាយខ្វល់ប៉ុន្មានទេ ដែលជាហេតុនាំឲ្យពួកគេបែកគ្នាលឿន។ ស្នេហា នៅឆ្ងាយពីគ្នា គប្បីមានភាពជិតស្និទ្ធជាងធម្មតា ទើបអ្នកអាចស្រឡាញ់គ្នាយូរ។ នេះជាចំណុចខ្លះៗ ដែលអ្នកត្រូវដឹង៖ អ្វីដែលគួរធ្វើ៖
១) គួរចេះ Surprise គ្នា៖ Surpriseគឺបង្ហាញពីការខ្វាយខ្វល់គ្នា បង្ហាញថាអ្នកខិតខំធ្វើអ្វីពិសេសមួយសម្រាប់នរណាម្នាក់ ។ មិនថាអ្នកនៅឆ្ងាយពីគ្នាយ៉ាងណាក្ដី អ្នកក៏អាចបង្កើនការSurpriseនេះដើម្បីបង្ហាញថា អ្នក ខ្វាយខ្វល់គេកម្រិតណាដែរ។
២) ប្រាប់រឿងដែលអ្នក ជួបជារៀងរាល់ថ្ងៃដល់គ្នា៖ វាអាចជារឿងមួយដដែលៗ និងស្ដាប់ទៅហួសហេតុពេក។ តែកាលដែលនៅឆ្ងាយពីគ្នា គឺមិនមែនស្រួលទេ ហើយអារម្មណ៍ក៏កាន់តែចង់ដឹងគ្នាខ្លាំងដែរ។ ហេតុនេះ អ្នកអាចផ្ដល់ជាព័ត៌មានដល់គ្នាគ្រប់ពេលវេលាបាន ថាតើអ្នកបានធ្វើអ្វីខ្លះ នៅថ្ងៃនេះ? តើបានទៅទីណាខ្លះ? តើទៅណាមកណាជាមួយអ្នកណាខ្លះ?
អ្វីដែលអ្នកមិនគួរធ្វើ៖
១) មានអ្នកទី៣មកជំពាក់ជំពិន៖ វាក៏ជារឿងធំមួយបណ្ដាលឲ្យអ្នកបែកបាក់គ្នាដែរ គឺដោយសារ ភាពស្និទ្ធស្នាលនឹងអ្នកដទៃពេក។ អ្នកត្រូវដឹងថា សង្សារអ្នក គឺមិនបាននូវជិតទេ ហេតុនេះមិនថាមិត្តអ្នកជិតស្និទ្ធយ៉ាងណា ក្ដី សូមកុំធ្វើអ្វីឲ្យលើសពីមិត្តអី ព្រោះ ថាវាអាចក្លាយជាបញ្ហាធំបាន។ ហេតុនេះបើមិនចង់មានបញ្ហា អ្នកគួរធ្វើអ្វីមួយ កុំឲ្យលើសពីមិត្តទៅបានហើយ។
២) បើកសិទ្ធិដល់គ្នាខ្លាំងពេក៖ អ្នកត្រូវដឹង បើអ្នកឃ្លាតគ្នាឆ្ងាយយ៉ាងនេះហើយ មិនត្រឹមតែប៉ុណ្ណោះ អ្នកបើកសិទ្ធិខ្លាំងដល់គ្នាទៀត គេមិនហៅថាជាសង្សារទៀតទេ។ ព្រោះអី មនុស្សម្នាក់ៗ មានសង្សារត្រឹមតែឈ្មោះប៉ុណ្ណោះ ឯម្នាក់ៗវិញធ្វើអ្វីរៀងៗខ្លួន គ្មានអ្នកណាខ្វល់គ្នាផងហ្នឹង៕
ប្រែសម្រួល៖ ព្រំ សុវណ្ណកណ្ណិកា ប្រភព៖ thoughtcatalog
