បើអ្នកមានត្រឹមតែក្ដីសុបិន តែគ្មានការតាំងចិត្តដើម្បីស្រេច កុំសង្ឃឹមតែជោគជ័យឲ្យសោះ
មនុស្សគ្រប់រូបសុទ្ធតែមានក្តីសុបិនក្នុងឆាកជីវិត។ មនុស្សជាច្រើនគេងបន់ស្រន់ថានៅពេលដែលពួកគាត់ភ្ញាក់ពីគេង សុបិនរបស់គាត់នឹងក្លាយជាការពិត។ប៉ុន្តែអ្នកខ្លះមានតែក្តីសុបិន តែគ្មានភាពច្បាស់លាស់ជាមួយសកម្មភាពក្នុងការសម្រេចសុបិនឲ្យជោគជ័យ។
សុបិនអាចកើតឡើងដោយឯកឯង ដោយគ្រាន់តែគិត។ តែ ចក្ខុវិស័យ(Vision) គឺខុសពីសុបិន ចក្ខុវិស័យទាមទារការគិតល្អិតល្អន់។ ចក្ខុវិស័យ(Vision)គឺជាអ្វីដែលអ្នកគ្រោង ធ្វើតាមគម្រោងនិងជាក្តីសង្ឃឹមដែលជំរុញអ្នកឲ្យដើរទៅមុខ។ ចក្ខុវិស័យជាអ្វីដែលអ្នកកំណត់និងធ្វើឲ្យវាកើតឡើង។
ប្រសិនជាអ្នកចង់ដឹងថាតើអ្នកកំពុងតែដើរទៅកាន់ចក្ខុវិស័យរបស់អ្នកឬអ្នកចេះតែស្រមើស្រមៃទេ? ៖ ប្រសិនជាអ្នកចង់បានភាពជោគជ័យនាពេលអនាគត ត្រូវសួរខ្លួនឯងមួយសំនួរ«តើអ្នកចាប់អារម្មណ៍នឹងភាពជោគជ័យឬអ្នកតាំងចិត្តដើម្បីឲ្យជោគជ័យកើតឡើងពិតប្រាកដ? ប្រសិនជាអ្នកគ្រាន់តែចាប់អារម្មណ៍ អ្នកនឹងធ្វើអ្វីដែលងាយស្រួលតែប៉ុណ្ណោះ។ អ្នកនឹងរកលេសនៅពេលដែលអ្នកជួបការលំបាក។ ប៉ុន្តែ ពេលដែលអ្នកតាំងចិត្ត អ្នកនឹងធ្វើគ្រប់យ៉ាងដើម្បីសម្រេចគោលដៅរបស់អ្នក។ មិនថាអ្នកបរាជ័យប៉ុន្មានដងនោះទេ អ្នកនឹងតែក្រោកឈរនិងធ្វើដំណើរទៅមុខ។ ភាពជោគជ័យទាមទារការលះបង់និងការឈឺចាប់។ កុំគ្រាន់តែសុបិន ប៉ុន្តែត្រូវបង្កើតចក្ខុវិស័យមួយដែលអ្នកពេញចិត្តនឹងស្លាប់ដើម្បីវា។ កុំគ្រាន់តែសង្ឃឹម ចាប់ផ្តើមសកម្មភាព។ នេះជាវិធីតែមួយគត់ដែលនាំអ្នកទៅកាន់ភាពជោគជ័យ៕
ប្រែសម្រួល៖ អុឹង មុយយូ ប្រភព៖ www.addicted2success.com
