រឿងពិតចម្លែកៗអំពីលោក Mark Zuckerburg ស្ថាបនិកFacebook ដែលលោកអ្នកពុំធ្លាប់ដឹង
លោក Mark Zuckerburg មានកេរ្តិ៍ឈ្មោះនិងមនុស្សស្ទើរតែពិភពលោកស្គាល់រូបលោកដោយសារតែFacebookដែលលោកបានបង្កើតឡើង ។ ទោះបីជាលោករកប្រាក់ចំណូលជាច្រើន លោកក៏បានបរិច្ចាគថវិកាជាច្រើនទៅដល់ផ្នែកពេទ្យ ការអប់រំ។ល។ ខាងក្រោមនេះជាព័ត៌មានលោកមនុស្សជាច្រើនពុំសូវដឹងពីលោក Mark Zuckerburg ៖
១) លោកស្ទើរតែធ្វើការឲ្យ Microsoft ៖ នៅកាលលោករៀននៅវិទ្យាល័យ លោកបានបង្កើតកម្មវិធីមួយឈ្មោះថា«Synapse Media Player» ដែលជាកម្មវិធីកត់ត្រានូវបទចម្រៀងដែលពេញនិយម។ Microfost បានទាក់ទងមកកាន់រូបលោក ប៉ុន្តែលោកបានបដិសេធ រួចបន្តការសិក្សានៅមហាវិទ្យាល័យ។
២) ចេះសរសរកម្មវិធីតាំងពីលោកនៅជាសិស្ស៖ នៅវ័យ១២ឆ្នាំ លោកបានបង្កើតកម្មវិធីមួយទៀតឈ្មោះថា« ZuckNet» សម្រាប់ជូនជាដំណឹងដល់ឪពុករបស់លោកពេលភ្ញៀងមកដល់។ ឪពុករបស់លោកគឺជាពេទ្យធ្មេញ។
៣) ពណ៌Facebook ៖ ហេតុផលដែលFacebook មានពណ៌ខៀវនោះដោយសារតែភ្នែករបស់លោកMark Zuckerburg មិនអាចមើលឃើញពណ៌ក្រហមនិងបៃតង។
៤) លោកចេះពហុភាសា៖ លោកMark Zuckerburg តែងតែមានចំណង់ចំណូលចិត្តទៅលើភាសា។ លោកចេះភាសាដូចជាអង់គ្លេស ភាសាឡាទីន(Latin) និងចេះភាសាចិនថែមទៀតផង។
៥) ជួបប្រពន្ធលោកនៅក្នុងបន្ទប់ទឹក៖ នាពេលបច្ចុប្បន្នលោកMark Zuckerburg និង ប្រពន្ធលោក គឺលោកស្រីPriscilla Chanបានរៀបការរួចមកហើយ ប៉ុន្តែពេលពួកគាត់ជួបគ្នាដំបូងគឺនៅពេលដែលលោកទាំងពីរចាំចូលបន្ទប់ទឹកនៅសកលវិទ្យាល័យ Harvard ៕
ប្រែសម្រួល៖អុឹង មុយយូ ប្រភព៖ www.entreprenuer.com
