លុយសំខាន់ ប៉ុន្តែមិនមិនសំខាន់បំផុតនោះទេ
ជាការពិតមិនអាចប្រកែកបាន ប្រសិនជាអ្នកគ្មានលុយ ជីវិតរបស់អ្នកនឹងលំបាកពីព្រោះថាអ្នកត្រូវបង់ភ្លើង បង់ទឹក លុយសាំង បង់ថ្លៃសាលានិងទិញគ្រឿងចាំបាច់ប្រើប្រាស់ប្រចាំថ្ងៃ។ល។ នៅពេលដែលអ្នកដាក់ពាក្យធ្វើការ លុយឬប្រាក់ខែប្រហែលជាអ្វីដែលអ្នកចង់បាននិងគិតដល់មុនគេ។ ប៉ុន្តែ ក្រោយពេលដែលអ្នកធ្វើការ លុយមិនមែនជាអ្វីដែលសំខាន់បំផុតនោះទេ។ ថ្វីត្បិតតែលុយពិតជាអាចជំរុញទឹកចិត្តមនុស្សឲ្យធ្វើការងារបានល្អ ប៉ុន្តែអ្វីដែលជំរុញទឹកចិត្តបុគ្គលពិតប្រាកដនោះគឺអារម្មណ៍និងភាពពេញចិត្តចំពោះការងារ មិនមែនប្រាក់ខែច្រើនតែម្យ៉ាងនោះទេ។ លុយមិនអាចធ្វើឲ្យអ្នកសប្បាយចិត្តទេ គ្រាន់តែកាត់បន្ថយភាពមិនសប្បាយចិត្ត៖
ការទទួលបានប្រាក់ចំណូលតិចឬមិនគ្រប់គ្រាន់នឹងធ្វើឲ្យបុគ្គលតូចចិត្ត។ ប៉ុន្តែប្រសិនជាបុគ្គលម្នាក់នោះត្រូវបានដំឡើងប្រាក់ខែ គាត់មិនមែនសប្បាយចិត្តនោះទេ គ្រាន់តែមិនសូវខឹង ឬមិនសូចតូចតិចច្រើនដូចមុន។ លុយពិតជាសំខាន់ ប៉ុន្តែមិនសំខាន់ស្មើនឹងឱកាសរីកចម្រើនក្នុងវិស័យការងារឡើយ។ មានមនុស្សជាច្រើនបានសម្រេចចិត្តបោះបង់ការងារដែលទទួលបានប្រាក់ខែច្រើន ហើយងាកមកធ្វើអ្វីដែលធ្វើឲ្យខ្លួនសប្បាយចិត្តវិញ ព្រោះនៅពេលធ្វើយូរៗទៅទើបដឹងថា លុយមិនមែនជាចំណុចតែម្យ៉ាងដែលធ្វើឲ្យយើង សុខចិត្តធ្វើការងារនោះឡើយ ប៉ុន្តែភាពពេញចិត្តចំពោះការងារ និង សេរីភាពរបស់បុគ្គលប៉ុណ្ណោះ។
ជះលុយពិតជាស្រួល ដឹកនាំទើបពិបាក៖ នៅក្រុមហ៊ុនខ្លះបានប្រើប្រាស់លុយជាយានជំនិះសម្រាប់ទាក់ទាញបុគ្គលិក ដោយមិនគិតរកដំណោះស្រាយឬអ្វីមកជំរុញដល់បុគ្គលិកឡើយ។ ទោះបីជាអ្នកសន្យានឹងផ្តល់ប្រាក់បន្ថែមដល់បុគ្គល ក៏មិនប្រាកដថាពួកគាត់ធ្វើការបានល្អដែរពីព្រោះថាពួកគាត់មិនមានអារម្មណ៍ពេញចិត្តចំពោះអ្នក នោះមានន័យថាពួកគាត់ធ្វើការគ្រាន់តែលុយ មិនមែនធ្វើការអស់ពីសមត្ថភាពដោយក្តីស្រឡាញ់ចំពោះការងារឡើង៕
ប្រែសម្រួល៖ អុឹង មុយយូ ប្រភព៖ www.forbes.com
