វិធីសាស្ត្រសំខាន់ៗក្នុងការគ្រប់គ្រងលើខ្លួនឯងឲ្យបាន ដើម្បីកុំឲ្យធ្វើរឿងដែលនាំទុក្ខដាក់ខ្លួន
មានមនុស្សជាច្រើនបានធ្វើរឿងមិនមិនល្អ ដែលនាំបញ្ហាជាច្រើនដាក់ខ្លួន ហើយបញ្ហានេះគឺអាចមកពីពួកគេមិនចេះគ្រប់គ្រងលើខ្លួនឯង។ ការគ្រប់គ្រងលើខ្លួនឯងមិនមែនជារឿងាយស្រួលទេ ប៉ុន្តែវាក៏មិនមែនជាអ្វីដែលយើងមិនអាចធ្វើបាននោះដែរ។ តាមការសិក្សារបស់ Florida State Universityបានបង្ហាញ ពីយុទ្ធសាស្ត្រ ៣យ៉ាង ដែលអ្នកគួរប្រើ ដើម្បីក្លាយជាមនុស្សអាចគ្រប់គ្រងលើខ្លួនឯងបាន។ ខាងក្រោមនេះជាអ្វីដែលអ្នកគួរដឹង៖
១) ចេះតាំងសមាធិអារម្មណ៍៖ ការតាំងសមាធិ នេះនឹងធ្វើឲ្យខួរក្បាលអ្នកធូរស្រាលភាពតានតឹង ហើយអ្នកអាចងាយគ្រប់គ្រងវាបានជាងមុន។ អ្នកអាចចំណាយពេល៥នាទីក៏បាន ដើម្បីតាំងសមាធិ ប្រមូលអារម្មណ៍ ធ្វើឲ្យអារម្មណ៍ស្ងប់ស្ងាត់។
២) ហាត់ប្រាណ៖ ការហាត់ប្រាណ រយៈពេល១០នាទី អាចជួយឲ្យខួរក្បាលអ្នកបានធូរស្រាល។ មិនត្រឹមតែប៉ុណ្ណោះ ភាពតានតឹង ដែលកើតមានឡើង នោះ អាចនឹងបាត់បង់ដោយងាយតែម្ដង ដែលជាហេតុនាំឲ្យអ្នកគ្របគ្រងខ្លួន ដោយមិនពិបាក។
៣) លើកលែងទោសឲ្យខ្លួនឯង៖ កាលដែលអ្នកស្អប់ខ្លួនឯង គឺជាសញ្ញាមួយដែលអ្នកបរាជ័យក្នុងការគ្រប់គ្រងខ្លួនឯងធ្វើ។ បើចង់គ្រប់គ្រងខ្លួនឯងបាន ទាល់តែអ្នកចេះលើកលែងទោសដល់ខ្លួន ហើយកុំចាប់អារម្មណ៍នឹងកំហុសដែលអ្នកធ្លាប់មានសិន៕
ប្រែសម្រួល៖ ព្រំ សុវណ្ណកណ្ណិកា ប្រភព៖ psychologytoday
